Praias de Sanxenxo

Nos trinta e seis quilómetros da costa de Sanxenxo pódense atopar moitas praias das máis variadas características; urbanas como Silgar, Baltar e Caneliñas, ou máis tranquilas como Areas, Montalbo, Magor e A Lanzada; con algunha excepción son de area branca e fina. Todas elas destacan pola calidade das súas augas e servizos, convertendo a Sanxenxo no municipio con máis bandeiras azuis de España desde o ano 2004.

Entre os seus areais destancan os seguintes:

Praia	Lonxitude (m)	Ancho (m)	Grao de ocupación	Grao de urbanización	^[cando?]				Descrición	Imaxe
Areas	830	55	Moi alto	Medio	Si	Si	Si	Si	Praia en forma rectilínea e semicurva nun extremo, situada nunha contorna semiurbana. Limitada no extremo leste pola pequena Cala dos Mortos, con acceso en baixamar e Punta Cabicastro, con vistas da ría de Pontevedra.
Silgar	750	80	Moi alto	Moi alto	Si	Si	Si	Si	Acompañada de punta a punta polo paseo que leva o seu nome e resgardada por edificios, Silgar énchese cada verán de turistas españois e estranxeiros que buscan o relax de praia nas rías galegas. A Madama é a famosísima estatua que se atopa nunha rocha chamada "O Cubreiro", a cal se atopa a medio camiño entre a beira e as boias.
Baltar	650	55	Moi alto	Alto	Si	Si	Si	Si	Tamén coñecida como praia de Portonovo e separada de Sigar pola punta do Vicaño é unha praia xunta ao peirao de Portonovo con numerosas embarcacións xusto diante e cunha gran zona verde detrás, bordeada no seu percorrido por dous paseos, un deles de madeira, e cunhas pequenas e infrecuentes dunas próximas á localidade. Esta praia, xunto a Canelas e Caneliñas, conforman as praias de Portonovo.
Caneliñas	150	50	Moi alto	Moi alto	Si	Si	Si	Si	Pequena praia, refuxio dos que buscan unha fina area branca e un lugar acolledor entre os edificios de Portonovo. É usual ver mozos gozando da Covasa, un estreito de auga entre dúas rocas nun dos bordos da praia e que se baleira por completo cando baixa a marea.
Canelas^[1]	400	80	Moi alto	Escaso	Si	Si	Si	Si	É un dos focos de turismo da rexión destacando polas súas vistas. A calidez da area e das augas que a bañan fan de Canelas unha das praias máis atractivas do concello, sobre todo para a xente nova, xa que conta con superficie suficiente na que se adoitan colocar redes de voleibol privadas.
Paxariñas	140	40	Moi alto	Escaso	Si	Si	Si	Si	Ten forma de media cuncha, situada nunha contorna semiurbana e limitada, na súa marxe esquerda, pola Punta de Elmo ou Punta do Cavicastro e, na súa marxe dereita, pola Punta de Paxariñas.
Montalbo	950	120	Moi alto	Moi escaso	Si	Si	Si	Si	Rectilínea, situada nunha contorna rural, limitada pola Punta Montalbo, promontorio e miradoiro natural, e pola Punta Paxariñas. A area branca e fina forma suaves dunas con vexetación dispersa que separan a praia do piñeiral próximo. Ondada notable. Corrente de resaca forte no medio, con tendencia a movemento lateral.
Bascuas	130	60	Medio-alto	Moi escaso	Si	Si	Si	Si	É unha pequena praia nudista do municipio de Sanxenxo. Ten forma de media cuncha, situada nunha contorna case despoboada.
Panadeira^[2]	85	50	Alto	Moi alto	Si	Si	Si	Si	Situada nunha contorna urbana, nas inmediacións do núcleo de Sanxenxo, limitada polas praias de Lavapanos e a dos Barcos. Recollida dos ventos e con augas tranquilas, é unha praia accesible e de uso familiar.
A Lanzada	2560	95	Alto	Moi escaso	Si	Non	Si	Non	Praia de area semifina moi demandada polos surfeiros xa que se atopa dando a cara ao mar aberto e ten unha boa ondada durante todo o ano debido a que non se atopa protexida pola illa de Ons como as demais. Sanxenxo comparte esta praia co municipio do Grove. Forma a parte occidental do istmo que une Sanxenxo coa península do Grove.
Magor ^[3]^[4]^[5]	980	100	Medio	Escaso	Si	Si	Si	Si	É un dos maiores areais do concello e conta cunha ampla zona de dunas naturais na súa parte noroeste. Preto dela atópase a famosa punta Faxilda co icónico banco de Noalla.
Lapa	460	40	Medio	Medio	Si	Si	Si	Si	Situada na parroquia de Noalla, entre a praia de Area Gorda, separada só polo illote do Médico, e A Lanzada, presenta unha forma de media cuncha.
Area Gorda	330	70	Baixo	Medio-baixo	Si	Si	Si	Si	Praia nunha contorna semiurbana; a pesar do seu nome ten area fina e branca, e destaca pola calidade das súas augas.
Foxos	380	50	Alto	Medio	Si	Si	Si	Si	Situada na parroquia de Noalla, é unha das praias máis requiridas tanto polos surfeiros como polos bañistas. Ten forma rectilínea.
Pragueira	450	70	Medio	Escaso	Si	Si	Si	Si	Xeograficamente pegada á praia de Magor, este areal atópase xusto antes que o de Bascuas. Destaca pola calidez das súas augas, e por unha ondada moderada pero notable.
Nanín	440	40	Medio-alto	Medio-Alto	Si	Si	Si	Si	A praia de Nanín sitúase saíndo do núcleo urbano de Sanxenxo dirección Pontevedra, xusto antes da praia de Areas. De area branca e fina, é frecuentada pola xente da zona e arredores, perdendo protagonismo tutístico a favor das praias de Silgar e Areas.
Fontenla	80	40	Baixo	Medio-baixo	Non	Non	Si	Non	A pequena praia de Fontenla é un areal de reducidas dimensións aniñado entre as rocas de punta Faxilde, o punto terrestre máis próximo á illa de Ons. Sitúase entre as praias de Magor e Foxos. Ideal para gozar do sol e a auga nun ambiente pouco masificado.
Dos Barcos	150	20	Moi baixo	Moi Alto	Non	Non	Si	Non	Esta pequena praia é unha praia portuaria pegada ao peirao de Sanxenxo. Nos últimos tempos baixou considerablemente a afluencia de persoas que a usan como praia turística. Ten un paseo de madeira sobre ela relativamente novo, que a fai aínda máis estancada. Fica claro neste caso a corrupción urbanística do concello a resistencia veciñal coa formación da asociación "S.O.S. Panadeira".
Lavapanos	60	20	Moi baixo	Moi alto	Non	Non	Non	Non	Praia de reducidas dimensións en forma rectilínea, situada nunha contorna urbana, nas inmediacións do núcleo de Sanxenxo, limitada pola praia dá Panadeira e a de Carabuxeira. De area branca e grosa, resgardade dos ventos, é unha praia portuaria con augas tranquilas.
Carabuxeira	230	30	Medio	Moi alto	Si	Si	Si	Non	A praia da Carabuxeira é un areal situado no núcleo exterior de Sanxenxo. O seu principal acceso pasa por baixo dun edificio construído en fronte.
Barreiros	60+170	30	Medio	Medio-Alto	Non	Non	Si	Non	Praia de reducidas dimensións en forma rectilínea, situada nunha contorna semiurbana, composta por area branca e fina e con augas tranquilas. Debido á súa privilexiada orientación, recibe os raios do sol até ben entrada a tarde.
Area de Agra	260	30	Medio-Baixo	Baixo	Si	Si	Si	Si	Situada nunha contorna virxe, limitada pola punta Festiñaza. Area branca e fina. Resgardada dos ventos, adoita ser, no entanto, unha praia con fortes ondadas. Ideal para quen buscan praias con contornas pouco humanizadas.
Pampaido	60	20	Moi baixo	Medio-Alto	Non	Non	Si	Non	Pequena, de area branca e fina. Emprazada nunha contorna rústica, é unha praia con augas tranquilas, abrigada dos ventos e as correntes mariñas. Ideal para gozar do sol e o mar nun ambiente tranquilo e pouco masificado.
A Granxa	120	10	Medio-baixo	Alto	Non	Si	Si	Non	Situada nunha contorna rural, entre as praias de Maceiriñas e Santa Mariña, xa limítrofes con Raxó. Composta por unha combinación de area branca e pequenas pedriñas. Recollida dos ventos, é unha praia con augas tranquilas e cálidas.
Fontenla	10	15	Moi baixo	Moi baixo	Non	Non	Non	Non	Situada ao fondo da praia de Foxos, é accesible por area só coa baixamar, tendo que escalar unhas pedras para poder chegar a ela.
Nosa Señora	40	15	Moi baixo	Baixo	Non	Non	Non	Non	Situada ó carón da capela da Lanzada, ofrece vistas á praia de Foxos e ás illas de Ons.
Nanín	350	30	Medio-Baixo	Moi Alto	Non	Non	Si	Non	Entre Areas e Barreiros, maiormente de pedras e area, ten un pequeno monte ao lado e unhas augas moi tranquilas, ideais para nenos.
Dos Mortos	120	50	Medio	Moi baixo	Non	Non	Non	Non	Contigua a Areas, ofrece unha panorámica diferente, desaparecendo na súa maior parte en altamar.
Pociñas	60	70	Baixo	Alto	Non	Si	Non	Non	Contigua a Pragueira, xúntase a esta na baixamar e a Magor, formando a praia de Magor-Pragueira-Pociñas.
Espiñeira	150	20	Medio-alto	Medio	Non	Si	Si	Si	Praia en forma de media cuncha, de area branca e fina, nunha contorna semiurbana, entre as praias de Lapa e A Lanzada. Aberta, ventosa e con forte ondada, é unha praia idónea para a práctica do surf. Comparte equipamento coa praia de Lapa.
Praia	Lonxitude (m)	Ancho (m)	Grao de ocupación	Grao de urbanización	^[cando?]				Descrición	Imaxe