Praia de Baltar

Praia de Portonovo
Vista da praia de Portonovo.
Características xerais
Localización	Portonovo
Lonxitude	600 m
Largo medio	55 m
Grao de ocupación	Moi alto
Grao de urbanización	Praia semiurbana
Paseo marítimo
Características específicas
Composición	Area
Tipo de area	Fina e branca
Condicións do baño	Sen ondada
Aspectos medioambientais
Presenza de vexetación	Si
Zona protexida	Si
Bandeira Azul	Si
Seguridade
Equipo de vixilancia	Si
Sinalización do perigo	Si
Policía local	Si
Equipo de salvamento	Si
Accesibilidade
Accesible a discapacitados
Tipo de acceso	Fácil a pé
Sinalización do acceso

A praia de Baltar ou praia de Portonovo é un areal situado en Portonovo (Sanxenxo). En 2016, como en anos anteriores, foi recoñecida co distintivo europeo da Bandeira Azul. Xunto ás de Canelas e Caneliñas, conforman as praias de Portonovo.

Recibe o seu nome da aldea de Baltar, situada ó outro lado da estrada PO-308, que percorre a praia lonxitudinalmente.

Características

A praia está separada da estrada por un cordón de dunas formadas polo vento que levanta a area da praia e a empurra cara á súa zona posterior. Ente a duna e a estrada e ó longo da praia esténdese un paseo de madeira que une as localidades de Sanxenxo e de Portonovo.

A praia esténdese dende a liña urbana da vila, a partir do peirao do Chasco, alcanzando uns 600 m de lonxitude, aproximadamente, até a rochosa Punta do Vicaño, que separa a praia de Baltar da de Silgar. É de area branca e fina, e con augas tranquilas, ó estar protexida polo promontorio de Punta Vicaño ó leste, e as instalacións do porto ó oeste.

No citado peirao atópase o Club Náutico de Portonovo, entidade potenciadora dos deportes náuticos na zona. Tamén foi distinguido en 2016 cunha Bandeira Azul.

Véxase tamén

Bibliografía

• Ficha da praia na páxina web do concello (en castelán)
• Galicia Máxica (en castelán)

+ Ficha en Turismo.gal (en castelán)