Porto Amboim

Na Galipedia, a Wikipedia en galego.
Saltar ata a navegación Saltar á procura

Coordenadas: 10°43′6″S 13°45′0″L / -10.71833, -13.75000

Unha rúa de Porto Amboim.

Porto Amboim é unha cidade e municipio da provincia de Cuanza Sul, en Angola.

Xeografía[editar | editar a fonte]

Limita ao norte co municipio de Quiçama, ao leste cos municipios de Quilenda e Amboim, ao sur co municipio do Sumbe, e ao oeste polo océano Atlántico.

O concello ten unha superficie de 3 646 km² e, no ano 2006 tiña unha poboación estimada de 136 729 habitantes, polo que, nese ano, a súa densidade de poboación era duns 37,5 hab./km².

Está constituído polas comunas de Porto Amboim (sede) e Kapolo.

Historia[editar | editar a fonte]

Orixinariamente, Porto Amboim era coñecido como Kissonde, un pequeno poblo que os portugueses colonizaron en 1587, e lle deron o nome de Benguela, e máis tarde Benguela Velha, debido á creación doutro pobo hoxe coñecido como Benguela, cidade que está situada a 350 km ao sur de Benguela Velha.

En 1923 o nome foi cambiado a Porto Amboim.

Hoxe (2014), Porto Amboim é unha das áreas de crecemento para a industria off shore. A capa de presal[1] fronte á costa de Angola, con Porto Amboim no centro, é unha área de desenvolvemento planificada, con empresas como Paenal, unha empresa conxunta entre Sonangol, SBM & DSME e Heerema Porto Amboim, os dous principais estaleiros de fabricación para buques de mar a fóra.

Notas[editar | editar a fonte]

  1. Denomínase capa de presal a unha serie de formacións xeolóxicas diacrónicas nas plataformas continentais de concas extensionais formadas despois da separación de Gondwana, caracterizadas pola deposición de capas grosas de evaporitas, maioritariamente sal.

Véxase tamén[editar | editar a fonte]

Outros artigos[editar | editar a fonte]


Este artigo tan só é un bosquexo
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.