Ponte Vella Internacional Tui-Valença

Ponte Vella Internacional Tui-Valença

Localización
42°02′11″N 8°38′49″O
Estado	España
Comunidade autónoma	Galicia
Provincia	Provincia de Pontevedra
Cidade fronteiriza	Tui
Xeografía
Parte de	A Raia
Medición	22,7 () × 399 () m
Altitude	15 m
Datos históricos
Creación	1885
Evento clave 1884 construción 25 de marzo de 1886 inauguración 2000 reconstrución
Sen protección legal

A Ponte Vella Internacional Tui-Valença sobre o río Miño, entre Galiza, no estado español, e o distrito de Viana do Castelo, en Portugal, está destinada ó tránsito de peóns, vehículos (orixinalmente carruaxes) e ferrocarril.

Historia

É falsa a lenda de que é obra de Gustave Eiffel ou un dos seus discípulos. Foi deseñada polo enxeñeiro e deputado rioxano Pelayo Mancebo y Agreda. Inaugurouse oficialmente o 25 de marzo de 1886, case ano e medio despois da súa finalización. Custou seis millóns de reais.

Durante máis de cen anos soportou moito tráfico, ao ser a única ponte para salvar o Miño, fronteira natural entre a provincia de Pontevedra e Portugal. Aliviou moito o tránsito a construción das pontes internacionais de Salvaterra de Miño e Monção (15,5 km río arriba), Goián e Vila Nova de Cerveira (14 km río abaixo), e a ponte Tui-Valença (1993) da autovía (670 metros río abaixo).

Durante séculos, as e os peregrinos chegaban a Tui dende Portugal cruzando o río en barcas. A partir de 1884, a ponte pasou a formar parte do Camiño portugués do Camiño de Santiago.

A finais do ano 2000 foi renovada e mellorada. Por ela transitan catro trens diarios e segue a ser a única conexión ferroviaria entre Galiza e Portugal.

Galería de imaxes

• 
  Na esquina inferior dereita o Parador de Tui, ó fondo a Fortaleza de Valença.
• 
  Entrada da ponte desde Portugal.
• 
  Peregrinos do Camiño portugués.
• 
  Interior da ponte.
• 
  Interior da ponte á noite.
• 
  Panorámica da ponte
• 
  Un CP pasando pola ponte vella
• 
  Vista das vías do tren da ponte
• 
  Litografía da ponte
• 
  Litografía do proxecto da ponte

Ponte Vella Internacional Tui - Valença visto desde a Fortaleza de Valença

Véxase tamén

Bibliografía

• Fernández , Xosé. Historia del puente internacional de Tuy sobre el Miño (en castelán). Boletín ETSA., 1994, n.º 18, páx. 62-68. ISSN 0213-3474.
• Gradín, Tere. Un recorrido histórico por a Linha do Minho^[Ligazón morta] (en castelán). El Domingo, La Opinión A Coruña, 03/01/2010, n.º 465, páx. 8-9.
• MOPTC-Fomento. Observatorio transfronterizo España-portugal, Documento n.º 4 (en castelán). Secretaría General Técnica, marzo de 2006, 66 páx.

Outros artigos

• Catedral de Tui
• Parador de Tui

Ligazóns externas

• Mandiá, Diana. El tren de la frontera (en castelán). El País, 15/12/2009.