Pietro Tacca

Pietro Tacca
Nacemento	16 de setembro de 1577
Lugar de nacemento	Carrara
Falecemento	26 de outubro de 1640
Lugar de falecemento	Florencia
Nacionalidade	Italia
Ocupación	escultor
Fillos	Ferdinando Tacca
	[ editar datos en Wikidata ]
	v; c; e;

Fonte da praza Santissima Annunziata, Florencia.

Pietro Tacca, nado en Carrara en 1577 e finado en Florencia en 1640, foi un escultor italiano, o máximo representante en Toscana do gusto barroco.

Traxectoria[editar | editar a fonte]

Con quince anos entrou no taller de Giambologna (1592), o máis importante escultor florentino da época, do que se convertería no primeiro axudante. Á morte do mestre en 1608, Tacca recibe o usufruto do estudo, no borgo Pinti (barrio Pinti), e un ano despois herda tamén o posto de escultor dos Grandes Duques da Toscana.

Rematará obras inacabadas de Giambologna como os monumentos ecuestres de Fernando I de Médici en piazza Santissima Annunziata, ou o do rei de Francia Henrique IV, enviado a París e destruído durante a revolución en 1793, ou o de Filipe III de España, que está colocado na Plaza Mayor de Madrid (1616).

Entre 1620 e 1623 executa o que se considera a súa obra mestra os Quattro mori (Catro mouros) encadeados na base do monumento a Fernando I de Médici na praciña da dársena de Livorno.

A súa última e traballosa empresa foi o grandioso monumento ecuestre a Filipe IV de España, realizado, sobre deseño de Velázquez, entre 1634 e 1640. Este monumento é a primeira estatua ecuestre co cabalo erguido e sostido sobre a patas traseiras.

Tacca faleceu en 1640, pouco despois de que a estatua de Filipe IV (desde o século XVIII na madrileña "praza de Oriente", enfronte do Pazo Real) fose embarcada para España. Está sepultado na basilica della Santissima Annunziata.

Outras imaxes[editar | editar a fonte]

Monumento a Filipe III, plaza Mayor, Madrid
Os quattro Mori, Livorno
A Fontana del Porcellino, Firenze
Il Monumento a Filipe IV, plaza de Oriente, Madrid