Persicaria capitata
| Persicaria capitata | |||||||||||||
|---|---|---|---|---|---|---|---|---|---|---|---|---|---|
| |||||||||||||
| Clasificación científica | |||||||||||||
| |||||||||||||
| Nome binomial | |||||||||||||
| ''Persicaria capitata'' (Buch.-Ham. ex D.Don) H.Gross 1913 | |||||||||||||
| Sinonimia | |||||||||||||
| |||||||||||||
Persicaria capitata é unha especie de planta ornamental da familia Polygonaceae. Esta especie que se usa como ornamental asilvéstrase e atópase formando poboacións independentes na vexetación urbana e nas beiras de camiños.
Distribución[editar | editar a fonte]
Orixinaria de Asia expandiuse por todo o mundo, en Norteamérica atópase en México e Estados Unidos.
Descrición[editar | editar a fonte]
É unha herba perenne ás veces coa base leñosa, con pelos glandulosos. Alcanza os 20 a 50 cm de longo e até 10 cm de alto. O talo tendido sobre o chan e coas puntas ascendentes, a súa cor tende á cor café ou avermellada-purpúrea, con raíces nos nós inferiores. No lugar onde nace cada folla e rodeando ao talo e ás veces a base do pecíolo, atópase a ócrea, que é un tubo membranoso, de cor café ou avermellada, ás veces con pelos na súa superficie, caedizo. As follas son alternas, variables na súa forma, xeralmente máis anchas cara á base, de até 4 cm de longo, o ápice e a base son variables, con pelos glandulares na superficie e con pequenos pelos na marxe, de cor verde, pero frecuentemente cunha banda café a púrpura en forma de V invertida; os pecíolos son curtos.
A inflorescencia componse de numerosas flores aglomeradas nun conxunto globoso sobre un longo pedicelo. Xeralmente atópanse 2 inflorescencias na punta de cada talo. As flores son pequenas, de cor rosa con 8 estames. O froito é seco e dunha soa semente (un aquenio), de até 2 mm de longo, con 3 costelas.
