Pedro Rodríguez Gómez (guerrilleiro)
| Biografía | |
|---|---|
| Nacemento | 1915  Buscás, España |
| Morte | 17 de xullo de 1977 (61/62 anos) Ordes, España |
| Datos persoais | |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Pedro Rodríguez Gómez, nado en Vilariño (Buscás, Ordes) cara a 1915 e finado en Ordes o 17 de xullo de 1977, foi un guerrilleiro antifranquista galego.
Traxectoria[editar | editar a fonte]
Zoqueiro de profesión e militante do Partido Comunista de España. Foi detido pola Brigada de Investigación e Vixilancia da Garda Civil o 4 de maio de 1946 acusado de simpatizante comunista e escoitar Radio Moscú. Posto en liberdade tres días despois, uniuse á guerrilla. Participou con Antonio Nouche Costa, Claudio Díaz Milia, José Remuiñán Barreiro, José Blanco Núñez e José Santiago Temprano, na sanción económica de 30.000 pesetas ao alcalde franquista de Cerceda. Desertou o 9 de xullo de 1946 marchando a súa casa, onde permaneceu un ano ata que marchou a Santiafo de Compostela o 7 de xullo de 1947. Retornou a Coruña e foi detido o 19 de xullo. Xulgado en consello de guerra sumarísimo na Coruña con José Santiago Temprano o 4 de novembro de 1948,[1] foi condenado a cadea perpetua. Pasou 12 anos na Prisión Central de Burgos, de onde saíu en liberdade condicional en xaneiro de 1959.[2] Morreu en Ordes o 17 de xullo de 1977 con 61 anos.[3][4]
Vida persoal[editar | editar a fonte]
Casou con Josefa Regos del Río.
Notas[editar | editar a fonte]
- ↑ La Voz de Galicia, 5-11-1948, p. 3.
- ↑ BOE, 19-3-1959, p. 4364.
- ↑ La Voz de Galicia, 17-7-1977, p. 22.
- ↑ La Voz de Galicia, 20-7-1977, p. 17.
Véxase tamén[editar | editar a fonte]
Bibliografía[editar | editar a fonte]
- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 432–433. ISBN 978-84-1176-172-7.