Pedro Miguel Etxenike

Na Galipedia, a Wikipedia en galego.
Pedro Miguel Etxenike
Pm etxenike.jpg
Nome completoPedro Miguel Etxenike Landiribar
Nacemento8 de xuño de 1950
Lugar de nacementoIzaba
NacionalidadeEspaña
Alma máterUniversidade de Navarra, Universidade Autónoma de Barcelona e Universidade de Cambridge
Ocupaciónpolítico, físico, profesor universitario e divulgador científico
PremiosPremio Princesa de Asturias de Investigación Científica e Técnica, sen etiquetar, Medalla de Ouro de Navarra, Blas Cabrera National Research Award, Universal Basque Prize, Gipuzkoako Urrezko Domina, honorary doctorate of the University of Navarre, Gran Cruz de Afonso X o Sabio, Fellow of the American Physical Society, doutor honoris causa pola Universidade Complutense de Madrid, honorary doctorate of the University of Valladolid, Selección Española da Ciencia e Fellow of the AAAS
Na rede
Inguma: pedro-miguel-etxenike-landiribar Dialnet: 309357
editar datos en Wikidata ]
Pedro Miguel Etxenike.

Pedro Miguel Etxenique Landiríbar, tamén coñecido como Pedro Etxenike, nado en Izaba, Navarra o 8 de xuño de 1950, é un científico vasco especializado en Física do estado sólido.

Traxectoria[editar | editar a fonte]

En 1998 concedéronlle o Premio Max Planck de Física e ese mesmo ano obtivo o Premio Príncipe de Asturias de Investigación Científica e Técnica polos seus descubrimentos na predición teórica de estados electrónicos imaxe na superficie de sólidos. Tamén realizou importantes achegas no campo das interaccións ión-materia e das perdas de enerxía de electróns en microscopía electrónica e de efecto túnel.

Foi o primeiro conselleiro do Departamento de Educación do Goberno Vasco entre os anos 1980 e 1983, e conselleiro do Departamento de Educación e Cultura, e voceiro do Goberno Vasco entre 1983 e 1984. Actualmente é Catedrático de Física da Materia Condensada na Universidade do País Vasco (UPV/EHU) e Presidente do Donostia International Physics Center (DIPC).

Elixido Vasco Universal en 1998, é membro estranxeiro da Real Academia de Ciencias, Letras e Belas Artes de Bélxica, e tamén Fellow da Sociedade Americana de Física e da Sociedade Americana para o Avance da Ciencia. Ademais, é Presidente de Honra de Jakiunde, a Academia das Ciencias, das Artes e das Letras do País Vasco e desde 2012, preside o xurado dos premios Príncipe de Asturias de Investigación Científica e Técnica.

Formación[editar | editar a fonte]

Licenciouse en Ciencias Físicas pola Universidade de Navarra en 1972 con premio extraordinario de licenciatura e premio fin de carreira en 1973. En 1976 obtén o grao de doutor, Philosophical Doutor (PhD) en Física pola Universidade de Cambridge e en 1977 doutórase en Física pola Universidade Autónoma de Barcelona, onde obtén o premio extraordinario de Doutoramento en 1978. En 1988, concédenlle o título de honra Doctor of Science pola Universidade de Cambridge. Ademais é Doutor Honoris Causa polas universidades de Valladolid, Navarra e Complutense de Madrid.

Véxase tamén[editar | editar a fonte]

Ligazóns externas[editar | editar a fonte]