Pauls Jonass

Na Galipedia, a Wikipedia en galego.
Saltar ata a navegación Saltar á procura
Pauls Jonass
Nacemento13 de xaneiro de 1997
 Aizpute
NacionalidadeLetonia
Ocupaciónpiloto de motocrós
editar datos en Wikidata ]

Pauls Jonass nado en Aizpute o 13 de xaneiro de 1997, é un piloto de motocrós letón. Foi campión mundial en MX2 en 2017. Corre en categoría MXGP co equipo Husqvarna.

Traxectoria[editar | editar a fonte]

Despois de gañar varios campionatos nacionais en 65cc, en 2011 Jonass gañou o título de Campión do Mundo Junior na categoría de 85cc cunha KTM.[1] En 2012 pasou á categoría de 125cc e rematou quinto no Campionato de Europa e terceiro no Campionato do Mundo Junior.[1] En 2013 dominou o campionato europeo de 125cc e participou nunha carreira do Campionato Europeo de MX250, onde obtivo o cuarto posto.[1]

En 2014 participou no Campionato Mundial de Motocrós MX2, no que só disputou algunhas carreiras. Rematou no posto 24 no campionato.[1] En 2015, Jonass uniuse ao equipo da fábrica de KTM, xunto con Jeffrey Herlings baixo a dirección de Stefan Everts. Na súa primeira tempada completa, Jonass subiu ao podio seis veces e converteuse en subcampión do mundo.[2] Na tempada 2016 acabou no quinto posto.[3][4]

En 2017 obtivo as súas primeiras vitorias nun GP, gañando seis dos dezanove Grandes Premios. Terminou a tempada conseguindo o título de campión do mundo,[5] converténdose así no primeiro piloto letón en converterse en campión mundial de motocross. En 2018 quedou subcampión do mundo, por detrás de Jorge Prado.[6]

Para a tempada 2019 do Mundial deu o salto a MXGP co equipo oficial de Husqvarna, de Kimi Räikkönen.[7]


Postos no Mundial de Motocrós[editar | editar a fonte]

2014: 24º en categoría MX2
2015: 2º en categoría MX2
2016: 5º en categoría MX2
2017: 1º en categoría MX2
2018: 2º en categoría MX2

Notas[editar | editar a fonte]

  1. 1,0 1,1 1,2 1,3 "Estatísticas". www.mxgp.com (en inglés). Consultado o 15 de xuño de 2019. 
  2. "Esloveno Tim Gajser é campeão mundial de motocross 2015 na MX2" (en portugués). 20 de setembro de 2015. Consultado o 15 de xuño de 2019. 
  3. "The Glen Helen grand finale!" (en inglés). Consultado o 15 de xuño de 2019. 
  4. "Pauls Jonass KTM 2016 5 1". Arquivado dende o orixinal o 08 de xaneiro de 2018. Consultado o 07 de xaneiro de 2018. 
  5. "Pauls Jonass se proclama campeón de MX2 y Jorge Prado cierra un 2017 sensacional" (en castelán). 18 de setembro de 2017. Consultado o 15 de xuño de 2019. 
  6. "Doblete de Jorge Prado "en la cima del mundo" del Motocross". As (en castelán). 30 de setembro de 2018. Consultado o 15 de xuño de 2019. 
  7. "Jonass, el rival de Prado en MX2, da el salto a MXGP de la mano de Raikkonen" (en castelán). 29 de outubro de 2018. Consultado o 15 de xuño de 2019.