Parlamento de Navarra

Na Galipedia, a Wikipedia en galego.
Saltar ata a navegación Saltar á procura
Edificio do Parlamento Foral de Navarra.

O Parlamento Foral de Navarra ou Cortes de Navarra (en éuscaro: Nafarroako Parlamentua) é o órgano lexislativo da Comunidade Foral de Navarra. O Parlamento foi creado polo Amelloramento de 1982, supuxo a democratización das institucións existentes ata entón.

Historia[editar | editar a fonte]

Desde a súa creación e durante o franquismo, seguira existindo a Deputación Provincial de Navarra tal como foi definida na Lei de Modificación de Fueros de 1841, composta por sete deputados, elixidos por meiriñados.

Existía desde 1898 un órgano asesor en materias financeira e de administración municipal: o Consello Foral Administrativo. En 1978 UCD, para democratizar as institucións forais, propuxo que o Consello Foral estivese integrado por 119 conselleiros, 50 elixidos por sufraxio universal e 60 polos concellos, aos que se engadirían os cinco deputados ao Congreso e os catro senadores elixidos en Navarra. Exercería funcións normativas e elixiría aos membros da Deputación. Finalmente o Amelloramento establece a institución do Parlamento ou Cortes de Navarra no artigo 10 e regúlao nos artigos do 11 ao 22.

É a institución lexislativa da Comunidade, os seus membros son elixidos por sufraxio universal, para un período de catro anos e non deben ser menos de 40 nin máis de 60 (actualmente son 50). Os parlamentarios contan con foro de inviolabilidade polos votos e opinións emitidos no desenvolvemento das súas funcións.

Funcións[editar | editar a fonte]

Sede[editar | editar a fonte]

O edificio do Parlamento atópase situado no rehabilitado edificio da Antiga Audiencia, Primeiro Ensanche, no Paseo de Sarasate de Pamplona. Anteriormente estivo situado no Palacio da Deputación Foral de Navarra, situado no mesmo paseo e enfrontado a este.

Composición[editar | editar a fonte]

O Parlamento está composto por 50 parlamentarios elixidos por sufraxio universal.

A X Lexislatura do Parlamento de Navarra comezou o 19 de xuño de 2019 coa celebración da sesión constitutiva da cámara onde tomaron posesión os 50 parlamentarios electos nos comicios de maio do mesmo ano.

Escudo de Navarra (oficial).svg

Grupos parlamentarios e agrupacións no Parlamento de Navarra

Nome Escanos Candidatura Voceiro/a Líder
G.P. Navarra Suma 20 Logo Navarra Suma.png Navarra Suma José Javier Esparza
G.P. Partido Socialista de Navarra 11 Logo PSN-PSOE.svg Partido Socialista de Navarra Ramón Alzórriz María Victoria Chivite (P)
G.P. Geroa Bai 9 Geroa Bai Uxue Barkos
G.P. EH Bildu Nafarroa 7 Euskal Herria Bildu Bakartxo Ruiz
A.P.F. Podemos-Ahal Dugu 2 Podemos (logo círculos).svg Podemos Mikel Buil
G.P. Mixto–Izquierda-Ezkerra 1 N circulada (I-E).png Izquierda-Ezkerra María Luisa de Simón

Presidentes[editar | editar a fonte]

A presidencia do parlamento sempre estivo en mans de Unión del Pueblo Navarro (UPN) ou do Partido Socialista de Navarra (PSN) ata 2015. Ningún presidente estivo máis dunha lexislatura no cargo.

Presidentes do Parlamento de Navarra
Lexislatura Presidente/a Partido Mandato
Parlamento Foral Víctor Manuel Arbeloa Muru Logo PSN-PSOE.svg PSN-PSOE 1979-1983
I lexislatura Balbino Bados Artiz UPN 1983-1987
II lexislatura Javier Gómara Granada UPN 1987-1991
III lexislatura Javier Otano Cid Logo PSN-PSOE.svg PSN-PSOE 1991-1995
IV lexislatura Lola Eguren Apesteguía Logo PSN-PSOE.svg PSN-PSOE 1995-1999
V lexislatura José Luis Castejón Garrués Logo PSN-PSOE.svg PSN-PSOE 1999-2003
VI lexislatura Rafael Gurrea Induráin UPN 2003-2007
VII lexislatura Elena Torres Miranda Logo PSN-PSOE.svg PSN-PSOE 2007-2011
VIII lexislatura Alberto Catalán Higueras UPN 2011-2015
IX lexislatura Ainhoa Aznárez Igarza Podemos (logo círculos).svg Podemos 2015-2019
X lexislatura Unai Hualde Iglesias Geroa Bai 2019-2023

Véxase tamén[editar | editar a fonte]

Ligazóns externas[editar | editar a fonte]