Partido Socialista de Navarra

Partido Socialista de Navarra
Instancia de organización política  Parte de Partido Socialista Obreiro Español  Ideoloxía política socialdemocracia
Implicados  Presidente/a Roberto Jiménez (pt)  Secretario/a María Chivite
Organizacións  Membro de Partido Socialista Europeo
Datas  Fundación / creación 1974
Localización  Sede Pamplona  País España
Códigos e identificadores Freebase /m/0gtxl4b
Fontes e ligazóns  Páxina WEB psn-psoe.org
Wikidata C:Commons

O Partido Socialista de Navarra (PSN-PSOE) (en éuscaro Nafarroako Alderdi Sozialista) é a federación do Partido Socialista Obreiro Español na Comunidade Foral de Navarra. Constituíse en xuño de 1982, cando a Agrupación Socialista de Navarra do PSOE, integrada até aquelas no Partido Socialista de Euskadi (PSE), segregouse deste para formar a súa propia federación.

Gobernou Navarra en tres ocasións, ostentando en dúas delas a presidencia: 1984-1991 (con Gabriel Urralburu como presidente e en solitario), e en 1995-1996 (con Javier Otano como presidente, e en coalición con CDN e EA). De 2011 a 2012 gobernou en coalición con UPN (con Yolanda Barcina como presidenta e Roberto Jiménez como vicepresidente do goberno).

O 15 de xuño de 2012, a presidenta do Goberno de Navarra, Yolanda Barcina, destituíu o vicepresidente e secretario xeral do PSN, Roberto Jiménez, acusándoo de "comportamento desleal" por ter denunciado un déficit nas contas públicas da comunidade foral. Este feito provocou o abandono do PSN do goberno e o seu paso á oposición.

Líderes

Desde a súa fundación en 1982, o PSN tivo como secretarios xerais a:

• Gabriel Urralburu (1982-1994)
• Javier Otano (1994-1996)
• Juan José Lizarbe (1997-2004)
• Carlos Chivite (2004-2008)
• Roberto Jiménez (2008-)

Organización xuvenil

A organización xuvenil afín ao PSN-PSOE é Juventudes Socialistas de Navarra ("Nafarroako Gazte Sozialistak" en éuscaro e cooficialmente), e está integrada nas Xuventudes Socialistas de España.

Véxase tamén

Ligazóns externas

• Páxina oficial do PSN-PSOE
• Páxina Oficial das Juventudes Socialistas de Navarra-Nafarroako Gazte Sozialistak