Panterinos

Na Galipedia, a Wikipedia en galego.
Panterinos
Leoa (Panthera leo)
Leoa (Panthera leo)
Clasificación científica
Reino: Animalia
Filo: Chordata
Subfilo: Vertebrata
Clase: Mammalia
Subclase: Theria
Infraclase: Placentalia
Orde: Carnivora
Suborde: Feliformia
Familia: Felidae
Subfamilia: Pantherinae
Pocock, 1917
Xéneros

Véxase o texto

Os panterinos (Pantherinae) son unha subfamilia de mamíferos carnívoros da familia dos félidos. Inclúe seis[1] ou sete[2] especies clasificadas en dous[3] ou tres[1] xéneros distintos aínda que isto se atopa en revisión mediante estudos xenéticos[4].

Os panterinos diferéncianse do resto dos félidos pola ausencia de osificación total na garganta, característica que lles permite ruxir. Así mesmo, adoitan ter un tamaño moito maior que o do resto de félidos e unha musculatura e forza máis desenvolvidas, sendo na súa maioría os depredadores dominantes nos seus hábitats. Salvo o león (Panthera leo), todos son animais predominantemente solitarios.

As orixes evolutivas dos panterinos encóntrase no continente asiático, onde apareceron no Plioceno. Os primeiros panterinos, eran felinos de tamaño e aspectos similares aos dun gato doméstico, provisto de cola longa, patas curtas e hábitos tanto arborícolas como terrestres. O seu corpo está recuberto por diferentes clases de manchas que recordan ás da pantera nebulosa (Neofelis nebulosa), o irbis ou pantera das neves (Panthera uncia) e o leopardo (Panthera pardus). Crese que os primeiros panterinos, que tamén vivían en hábitats boscosos, posuían unha pelaxe densamente manchada co fin de camuflarse e capturar máis facilmente as súas presas. Estas manchas perdéronse hoxe en día no león (aínda que sobreviven nos seus cachorros, difuminándose máis tarde) e o tigre (Panthera tigris), onde se uniron para orixinar as características raias deste animal.

De acordo con evidencias xenéticas e moleculares, crese que tras a liña do gato xaspeado se independizaron de forma separada as da pantera nebulosa (froito dunha adaptación máis marcada á vida arborícola) e o leopardo das neves (debido á colonización das montañas de Asia Central). O xénero Panthera, representado orixinalmente por animais de talla similar á dun leopardo, orixinouse a finais do Plioceno en Asia oriental e pouco despois colonizou África. No primeiro lugar evolucionaron os tigres, mentres que no segundo orixináronse posteriormente os antepasados dos leóns e leopardos. Estes dous últimos animais expandíronse a comezos do Plistoceno por Eurasia e colonizaron en distintos momentos América a través da ponte de terra que unía periodicamente Siberia e Alaska. Foi no primeiro destes procesos migratorios, hai pouco máis dun millón de anos, cando se independizou a liña evolutiva do xaguar (Panthera onca) da do seu máis próximo parente vivo, o leopardo, pois os xaguares están máis estreitamente relacionados coa extinta Panthera atrox. Todas as especies actuais de panterinos están ameazadas en maior ou menor medida pola actividade humana e desapareceron de varias áreas onde antano eran abundantes.

Xéneros e especies[editar | editar a fonte]

Notas[editar | editar a fonte]

  1. 1,0 1,1 Don E. Wilson & DeeAnn M. Reeder (editors). 2005.Subfamilia Pantherinae Mammal Species of the World. A Taxonomic and Geographic Reference (3rd ed), Johns Hopkins University Press, 2,142 pp
  2. A. Wilting, V. Buckley-Beason, H. Feldhaar, J. Gadau, S. O'Brien and K. Linsenmair. Clouded leopard phylogeny revisited: support for species recognition and population division between Borneo and Sumatra [1]
  3. Johnson, W. E., Eizirik, E., Pecon-Slattery, J., Murphy, W. J., Antunes, A., Teeling, E. & O'Brien, S. J. (2006). "The Late Miocene radiation of modern Felidae: A genetic assessment.". Science 311 (5757): 73–77. DOI:10.1126/science.1122277. PMID 16400146. 
  4. Yu, L. y Zhang, Y. P. (2005) «Phylogenetic studies of pantherine cats (Felidae) based on multiple genes, with novel application of nuclear beta fibrinogen intron 7 to carnivores». Molecular Phylogenetetic Evolution, 35(2): 483–495

Véxase tamén[editar | editar a fonte]

Commons
Commons ten máis contidos multimedia na categoría: Panterinos
Wikispecies-logo.svg
Wikispecies posúe unha páxina sobre: Panterinos