Oliver Sacks

Oliver Sacks
	;
Nome orixinal	Oliver Wolf Sacks
Biografía
Nacemento	9 de xullo de 1933 ; Willesden, Reino Unido (en)
Morte	30 de agosto de 2015 (82 anos); Greenwich Village, Estados Unidos de América
Causa da morte	liver metastasis (en)
Residencia	Nova York (1965–)
Relixión	Ateísmo
Educación	The Queen's College (pt) - Bachelor of Medicine, Bachelor of Surgery (pt) (1951–1958); St Paul's School (pt) ; Hall School (en)
Actividade
Campo de traballo	Neuroloxía
Lugar de traballo	Nova York (1965–)
Ocupación	escritor, divulgador científico, guionista, profesor universitario, neurólogo, químico, médico escritor, médico
Empregador	Universidade de Columbia (2007–2012) ; Universidade de Warwick (pt) ; Albert Einstein College of Medicine (en) ; New York University School of Medicine (en) ; Universidade Yeshiva (pt)
Membro de	Academia Estadounidense das Artes e as Letras (1996–2015); Academia das Artes e das Ciencias dos Estados Unidos
Obra
	Obras destacables (1973) Awakenings (en) ; (1985) The Man Who Mistook His Wife for a Hat (pt) ;
Familia
Cónxuxe	sen valor
Premios
	(2013) membro da Asociación Estadounidense para o Avance da Ciencia; (2005) Emperor Has No Clothes Award (en) ; (2003) Bodley Medal (en) ; (2001) Prêmio Lewis Thomas (pt) ; (1993) George Polk Award (en) ; (1988) Prêmio Oskar Pfister (pt) ; (1974) Hawthornden Prize (en) ; honorary doctorate from the Pontifical Catholic University of Peru (en) ; Comandante da Orde do Imperio Británico; Bolsa de estudos Guggenheim ;
	Sinatura
Descrito pola fonte	Obálky knih, ; Medvik >>>:Sacks, Oliver, 1933-2015,
Páxina web	oliversacks.com

Oliver Wolf Sacks, nado en Londres o 9 de xullo de 1933 e finado en Nova York o 30 de agosto de 2015, foi un neurólogo inglés que escribiu importantes libros sobre os seus pacientes, seguidor da tradición, propia do século XIX, das «anécdotas clínicas» (historias de casos clínicos contadas a través dun estilo literario informal). O seu exemplo favorito é The Mind of a Mnemonist (Pequeno libro dunha gran memoria: A mente dun mnemonista^[1]), de Alexander Luria.

Traxectoria

Graduouse no Queen's College da Universidade de Oxford e doutorouse en neuroloxía na Universidade de California. Viviu en Nova York dende 1965. Foi profesor clínico de neuroloxía na Escola de Medicina Albert Einstein, profesor adxunto de neuroloxía na Facultade de Medicina da Universidade de Nova York e neurólogo de consulta para as Irmanciñas dos Pobres. Exerceu na cidade de Nova York.

Sacks describiu os seus casos con pouco detalle clínico, concentrándose na experiencia fenomenolóxica (vivencia subxectiva) do paciente. Algunhas das alteracións descritas son condicións crónicas ou alteracións moi severas con deterioración significativa do funcionamento do individuo, non obstante, Sacks enfatizou como os pacientes realizan adaptacións compensatorias que lles permiten corrixir ou atenuar os seus déficits na vida cotiá.

No seu libro máis coñecido, Awakenings (Espertares, dun de cuxos casos se fixo unha película, que leva o mesmo título), relata as súas experiencias no uso dunha substancia natural que viña de ser descuberta, a L-dopa, en pacientes afectados pola epidemia de encefalite letárxica acaecida nos anos 1920. Tamén foi o tema da primeira película feita para a serie documental Discovery da BBC.

Noutros libros describiu casos da síndrome de Tourette e os efectos da enfermidade de Parkinson. O relato que dá título a The Man Who Mistook His Wife for a Hat (O home que confundiu a súa muller cun sombreiro) versa sobre un músico que sofre unha agnosia visual (prosopagnosia) que tamén foi o personaxe protagonista dunha ópera de Michael Nyman presentada en 1987). A historia Un antropólogo en Marte, que forma parte do libro do mesmo nome, trata, entre outras, a historia de Temple Grandin, unha profesora coa síndrome de Asperger. As obras de Sacks foron traducidas a 21 idiomas.

Obras

Migraine, 1970.
Awakenings, 1973.
A Leg to Stand On, 1984.
The Man Who Mistook His Wife for a Hat, 1985.
Seeing Voices: A Journey Into The Land of the Deaf, 1989.
An Anthropologist on Mars: Seven Paradoxical Tales, 1995.
The Island of the Colour-blind (total congenital color blindness in an island society, 1997.
Uncle Tungsten: Memories of a Chemical Boyhood, 2001.
Oaxaca Journal, 2002.
Musicophilia: Tales of Music and the Brain, 2007.
The Mind's Eye, 2010.
Hallucinations, 2012.

Cine

Espertares, filme de 1990 baseado en Awakenings.

Notas

↑ "Editado en 2009 por KRK Ediciones". Arquivado dende o orixinal o 26 de xullo de 2009. Consultado o 04 de outubro de 2013.

Véxase tamén

Outros artigos

Adam Zeman

Ligazóns externas

Páxina oficial (en inglés)
Entrevista de Eduardo Punset con Oliver Sacks.

[1] "Editado en 2009 por KRK Ediciones". Arquivado dende o orixinal o 26 de xullo de 2009. Consultado o 04 de outubro de 2013.

[1]