Oca, Coristanco

Para outras páxinas con títulos homónimos véxase: Oca.

Oca
Ponte Lubiáns.
Concello	Coristanco
Provincia	A Coruña
Coordenadas	43°12′00″N 8°43′43″O
Área	5,56 km²
Poboación	482 hab. (2018)
Densidade	86,69 hab./km²
Entidades de poboación	10
[ editar datos en Wikidata ]

San Martiño de Oca é unha parroquia que se localiza no norte do concello coruñés de Coristanco na comarca de Bergantiños. Segundo o IGE en 2018 tiña 482 habitantes (243 mulleres e 239 homes) distribuídos en 8 entidades de poboación, o que supón unha diminución en relación ao ano 1999, cando tiña 627 habitantes.

Xeografía

Separada de Carballo polos ríos Grande e Rosende e de Sísamo polo Anllóns, a hidrografía cobra unha especial importancia nesta zona.

A parroquia está ben comunicada co resto das parroquias e cos centros comerciais e administrativos.

Patrimonio

• Ponte Lubiáns, sobre o río Rosende, construída durante a Romanización de Galicia e reformada na idade media. Nela hai un altar dedicado ao deus Cosus, protector das colleitas do agro.

• Castro de Oca.

• Igrexa parroquial de San Martiño de Oca. Venérase o Santísimo Sacramento, San Brais, a Virxe da Candelaria, a Virxe do Corpiño, Santa Lucía e o propio San Martiño.

Festas

Na parroquia de Oca celébranse ao longo do ano numerosas festas, entre as que destacan:

• Virxe da Candelaria (2 de febreiro)
• San Brais (3 de febreiro)
• Santo Antonio (13 de xuño)
• Virxe do Corpiño (1ª fin de semana de xullo)
• Santísimo Sacramento (2ª fin de semana de setembro)
• San Martiño, patrón de Oca (11 de novembro)
• Santa Lucía (13 de decembro)

Véxase tamén

Outros artigos

• Lugares de Coristanco

Ligazóns externas

• Oca na web do concello de Coristanco