O Allo, Zas

Na Galipedia, a Wikipedia en galego.
O Allo
Torres do Allo 03.jpg
Pazo das torres do Allo xunto cos seus hórreos.
Concello Zas
Poboación 159 hab. (2004)
Entidades de poboación 9

San Pedro do Allo é unha parroquia que se localiza no norte do concello de Zas. Segundo o padrón municipal de 2004 tiña 159 habitantes (87 mulleres e 72 homes) distribuídos en 9 entidades de poboación, o que supón un aumento en relación ao ano 1999 cando contaba con 148 habitantes.

Patrimonio[editar | editar a fonte]

O pazo das Torres do Allo é un dos máis antigos de Galiza. Foi erguido sobre os restos dunha fortaleza mandada destruír polos Reis Católicos, e foi unha antiga propiedade do clan dos Riobó. Na actualidade é un museo, propiedade da Deputación da Coruña, no que se reproduce a vida nos pazos galegos.

Foi mandada construír polo fidalgo Gómez de Rioboo Villardefrancos na primeira metade do século XVI. A súa familia era procedente da parroquia de Riobó (Cabana de Bergantiños), e tiñan como solar primitivo o Poste da Penela, en Silvarredonda.

O edificio é de estilo renacentista, e consta de dúas torres e un longo corpo central que as une. Unha cornixa, da que sobresaen varias gárgolas, percorre toda a parte alta do edificio. As fiestras da parte alta das torres están adornadas con elementos do gótico final, e as máis próximas ao corpo central están enmarcadas por un arco conopial, complementando o conxunto os escudos e os balcóns.

Nos escudos represéntanse os símbolos das familias dos Rioboo (torre envolta en silveiras), dos Caamaño (piñeiro e lanzas), Seixas (cinco pombas), Losada (dous lagartos baixo unha lousa) e Figueroa (cinco follas de figueira).

Galería de imaxes[editar | editar a fonte]

Artigo principal: Galería de imaxes do Allo, Zas.

Lugares e parroquias[editar | editar a fonte]

Lugares do Allo[editar | editar a fonte]

Lugares da parroquia do Allo no concello de Zas (A Coruña)

O Allo | Casas Novas | A Cebola de Abaixo | A Cebola de Arriba | Os Muíños | Muriño | O Pombal | Regalados | Xerne

Parroquias de Zas[editar | editar a fonte]

Galicia | Provincia da Coruña | Parroquias de Zas

O Allo (San Pedro) | Baio (Santa María) | Brandomil (San Pedro) | Brandoñas (Santa María) | Carreira (Santiago) | Gándara (Santa María) | Lamas (Santa María) | Loroño (Santiago) | Mira (Santa María) | Muíño (San Tirso) | San Cremenzo de Pazos (San Cremenzo) | San Martiño de Meanos (San Martiño) | Santa Sía de Roma (Santa Sía) | Santo Adrián de Castro (Santo Adrián) | Vilar (San Pedro) | Zas (Santo André)


Véxase tamén[editar | editar a fonte]

Outros artigos[editar | editar a fonte]