Brandomil, Zas

Brandomil
Ponte de Brandomil.
Concello	Zas
Provincia	A Coruña
Poboación	216 hab. (2019)
Entidades de poboación	7
[ editar datos en Wikidata ]

San Pedro de Brandomil é unha parroquia do concello de Zas, na comarca da Terra de Soneira, provincia da Coruña. Segundo o IGE en 2018 tiña 225 habitantes (129 mulleres e 96 homes), o que representa unha diminución con respecto o ano 1999. Ten sete entidades de poboación.

Historia

A aldea de Brandomil serviu ó poeta galego Eduardo Pondal para pórlle nome ó heroe celta que protagonizaba varios dos seus textos.

Xeografía

Linda coas parroquias de San Tirso de Muíño e Santa María de Brandoñas no propio concello de Zas, e con San Cosme de Antes, San Mamede de Alborés, e Santo Tomé dos Vaos no concello de Mazaricos.

Etimoloxía

O termo Brandomil pola súa terminación aparenta formar parte do conxunto de topónimos de orixe xermánica (sueva), aínda que Moralejo Lasso, Martínez Lema, Cabeza Quiles, Lema Suárez e Evaristo Domínguez apuntan a un hidrónimo Grandimirum/Glandomiron céltico indoeuropeo prelatino.

Festas

Nesta parroquia celébranse 4 festas, o primeiro domingo do mes de xuño, o Santo Antonio, o 29 de xuño o seu patrón San Pedro, o 30 de xuño, o Santísimo Sacramento e o 29 de setembro, o San Miguel.

Patrimonio

A ponte de Brandomil é do século XVI. As últimas teorías arqueolóxicas sitúan aquí o núcleo romano de Claudionerium ^{[Cómpre referencia]}.

Véxase tamén

Outros artigos

• Lugares de Zas
• Ponte de Brandomil