Nora Stanton Barney
  | |
| Biografía | |
|---|---|
| Nacemento | (en) Nora Stanton Blatch 30 de setembro de 1883 Basingstoke, Reino Unido (pt)  |
| Morte | 18 de xaneiro de 1971 (87 anos) Greenwich, Estados Unidos de América (pt) |
| Datos persoais | |
| País de nacionalidade | Modelo:GBRn |
| Educación | Universidade Cornell Cornell University College of Engineering (en) |
| Actividade | |
| Campo de traballo | Enxeñeiro civil |
| Ocupación | arquitecta , sufraxista , enxeñeira , enxeñeira civil |
| Familia | |
| Cónxuxe | Morgan Barney (1919–1943) Lee De Forest (1908–1911) |
| Nai | Harriot Eaton Stanton Blatch (pt) |
 | |
Nora Stanton Blatch Barney, nada en Basingstoke (Inglaterra) o 30 de setembro de 1883 e finada en Greenwich (Connecticut) o 18 de xaneiro de 1971, foi unha enxeñeira civil, arquitecta e activista feminista estadounidense.[1][2][3]
Traxectoria[editar | editar a fonte]
Era filla de William Blatch e Harriot Eaton Stanton, e neta de Elizabeth Cady Stanton, pioneira do movemento sufraxista nos Estados Unidos.
Foi unha das primeiras mulleres que obtivo o título de enxeñeira nos Estados Unidos.[4] Diplomada pola universidade Cornell en 1905 e aceptada na American Society of Civil Engineers (ASCE) no mesmo ano sendo a primeira muller que ingresou. Porén, negóuselle o ascenso a membro asociado en 1916 só por ser muller. En 2015, foi ascendida postumamente á esta categoría da ASCE.[5]
Traballou como enxeñeira asistente na Radley Steel Construction Company (1909–1912) e na Comisión de Servizo Público de Nova York a partir de 1912. Tamén traballou para a Administración de Obras Públicas en Connecticut e Rhode Island como arquitecta, inspectora de enxeñaría e deseñadora de aceiro estrutural.[6]
Seguindo o exemplo da súa avoa e da súa nai, Nora tamén participou no movemento sufraxista e sucedeu a súa nai na presidencia da Women’s Political Union en 1915.
Vida persoal[editar | editar a fonte]
En 1908, Nora casou co inventor Lee de Forest[7] e foi a responsable da xestión de varias empresas que fundou para promover os seus inventos e a nova tecnoloxía da radio. A parella pasou a súa lúa de mel en Europa anunciando o equipo de radio que desenvolveu. Non obstante, a parella rompeu un ano despois, en gran parte por mor da insistencia de Forest de deixar a profesión e converterse en ama de casa. Pouco despois, deu a luz á súa filla Harriot en 1909.[8]
En 1919, Nora casou con Morgan Barney, un arquitecto naval.[7] A filla da parella, Rhoda Barney Jenkins, naceu o 12 de xullo de 1920, en Nova York, tamén arquitecta e activista feminista. Nora foi moi activa nos movementos feministas e pacifistas e en 1944 foi a autora de World Peace Through a Peoples Parliament[1] (en galego, Paz Mundial a través dun parlamento popular).
Notas[editar | editar a fonte]
- ↑ 1,0 1,1 Bois, Danuta (1999). "Nora Stanton Blatch Barney". distinguishedwomen.com (en inglés). Arquivado dende o orixinal o 31-03-2018. Consultado o 9-3-2020.
- ↑ "Nora Stanton Blatch, ingeniera civil". Mujeres con ciencia (en castelán). 2014-09-30. Consultado o 2020-04-11.
- ↑ Cecilia, Montse (2019-09-26). "Nora Stanton Blatch Barney, la ingieniera sufragista" (en castelán). Consultado o 2020-04-11.
- ↑ "Pioneering women in STEM". Consultado o 19 agosto 2010.
- ↑ Walpole, Ben (28-8-2015). "ASCE Recognizes Stanton Blatch Barney; Pioneering Civil Engineer, Suffragist". news.asce.org (en inglés). Arquivado dende o orixinal o 24-10-2019. Consultado o 19 agosto 2019.
- ↑ "Las ‘tesas’ de ‘El club de los tesos’". Consultado o 19-2-2020.
- ↑ 7,0 7,1 "Mrs. Nora S. Barney, Architect, 87, Dies". nytimes.com (en inglés). 20-1-1971. Consultado o 9-3-2020.
- ↑ "Nora Stanton Blatch". Engineering and Technology History Wiki (en inglés). Consultado o 19 agosto 2019.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Nora Stanton Barney  |
