NTT Data España
| NTT DATA España | |
|---|---|
  | |
| Tipo | Sociedade de responsabilidade limitada |
| Fundación | 1996 |
| Localización | Madrid |
| Persoas clave | Fernando Francés, Presidente |
| Industria | Consultoría Tecnolóxica |
| Produtos | Tecnoloxías da información |
| Beneficio operativo | 73,8 millóns de euros (2007) |
| Beneficio neto | 13,5 millóns de euros (2007) |
| Número de empregados | 6.200[1] |
| Na rede | |
| https://es.nttdata.com | |
| [ editar datos en Wikidata ] | |
NTT DATA España, anteriormente coñecida coma Everis é unha compañía multinacional con sede en Madrid, especializada na consultoría de aplicacións tecnolóxicas.
A consultora abarca os sectores de telecomunicacións, entidades financeiras, Industria, Utilities & Enerxía, Banca, Seguros e Administracións Públicas. Everis conta con máis de 6.000 empregados e ten oficinas en España, Portugal, Italia, Brasil, Arxentina, México, Chile e Colombia. A facturación de Everis para o ano fiscal 2007 (finalizado no marzo do 2008) foi de 340 millóns de euros.
Historia
[editar | editar a fonte]A empresa naceu en 1996, co nome de DMR Consulting, abrindo as súas primeiras oficinas en España en Madrid e Barcelona. En 1997 creouse a división de Qualitas, co obxectivo de complementar os servizos ofrecidos. Entre 1998 e 1999 iniciouse a expansión internacional do grupo, coas aperturas das primeiras oficinas fóra de España en Santiago de Chile e Lisboa. Esta expansión continuou no 2000 coas oficinas de Milán e Buenos Aires. No ano 2001 tivo lugar a consolidación das actividades en todos os sectores. Abríronse oficinas en São Paulo, México, D.F., Roma e Sevilla.
No 2004 os profesionais de DMR Consulting adquiriron a compañía a Fujitsu co apoio de Apax e FManagers. No 2005 cancelouse a débeda con Fujitsu e abriuse a oficina de Valencia. No 2006 DMR consulting pasou a chamarse Everis. Abríronse oficinas en Bogotá e A Coruña. En decembro os traballadores de Everis pasaron a controlar o 100% da compañía. Nese mesmo ano Everis incorporou como novos socios investidores o fondo de investimento 3i, ao Grupo Corporativo Landon e a un grupo minoritario de pequenos accionistas.
No 2008 trasladáronse ás oficinas de Madrid (La Finca en Pozuelo de Alarcón e Cuzco en Madrid) á nova sede no barrio madrileño de Virgen del Cortijo. Nese mesmo ano abríronse oficinas na Coruña e Bilbao, e o novo Centro de Excelencia para o desenvolvemento de software en Mataró, especializado no desenvolvemento e mantemento de aplicacións informáticas.
Notas
[editar | editar a fonte]- ↑ http://www.everis.es/everis/everis-in-cifras/ "Everis en cifras", artigo en www.everis.es (17 de xaneiro de 2008)
