Mònica Terribas

Mònica Terribas

(2017)
Biografía
Nacemento	(ca) Mònica Terribas i Sala 16 de xaneiro de 1968 (56 anos) Barcelona, España
Vicepresident of Òmnium Cultural (en)
febreiro de 2022 –
8ª Director of Televisió de Catalunya (en)
2008 – 2012 ← Francesc Escribano (pt) – Eugeni Sallent i Garriga (en)  →
Datos persoais
Educación	Universidade de Stirling - doutoramento (1990–1994) Universidade Autónoma de Barcelona - Licenciatura en xornalismo (1986–1991)
Tese académica	Television, national identity and the public sphere - a comparative study of Scottish and Catalan discussion programmes (en)  (1994 )
Actividade
Ocupación	xornalista, guionista, comentarista político, presentadora de televisión, profesora universitaria, directora de documentais
Empregador	Catalunya Ràdio (2013–) Universidade Pompeu Fabra (2000–) Televisió de Catalunya (1989–2012)
Membro de	Philosophy and science sections of the Institut d'Estudis Catalans (en) (membro numerario do Institut d'Estudis Catalans) (2021–) Col·legi de Periodistes de Catalunya Associació Catalana de Professionals (pt)
Familia
Cónxuxe	Sergi Cutillas
Premios
(2021)  Creu de Sant Jordi (2012)  Premio Memorial Francesc Macià (2009)  Quim Regàs Prize for Journalism (en) (2007)  National Award for Television (en) , premiado polo traballo Q948133 (2005)  Òmnium Award for Television (en) , premiado polo traballo Q948133 (2003)  National Prize for Journalism (en) , premiado polo traballo Q948133 (2002)  Premis Serrat i Bonastre (en)
Voz: Mònica Terribas

Mònica Terribas i Sala, nada en Barcelona o 16 de xaneiro de 1968, é unha xornalista catalá. Entre outros cargos, foi a directora de Televisió de Catalunya dende 2008 até 2012. En 2013, empezou a dirixir o programa de radio matinal El matí de Catalunya Radio. En xullo de 2020, anunciou que renunciaba ao ano de contrato que quedaba coa emisora e que non seguiría dirixindo e presentado o programa a partir de setembro.

Traxectoria

Mònica Terribas é licenciada en xornalismo pola Universidade Autónoma de Barcelona e doutora pola Universidade de Stirling (Escocia).

Foi redactora nos servizos informativos de Cadena 13 ata que en 1987 entrou a traballar en TV3 da man de Joaquim Maria Puyal como coordinadora, guionista ou directora en programas como Tres pics i repicó, La vida en un xip, Un tomb per la vida, Persones humanes, Solvència contrastada, Som i serem, Avisa'ns quan arribi o 2000 ou Temps era temps. De 2002 a 2008 presentou e dirixiu o programa de análise informativa de TV3 La nit al dia.

En maio de 2008 foi elixida por unanimidade directora xeral de Televisió de Catalunya que abrangue as canles TV3, El 33, 3/24, Esport3, Canle Super3 e 3XL. Exerceu o cargo até abril de 2012. En decembro de 2014, presentou: "La Marató" de TV3, xunto a Quim Masferrer, dedicada a recadar fondos para a investigación das doenzas do corazón. O programa chegou a recadar 8.864.016 €.

É profesora titular do departamento de comunicación na Universidade Pompeu Fabra, onde foi vicedecana de estudos de xornalismo. Tamén forma parte do grupo de investigación Unitat d'Investigació en Comunicació Audiovisual (UNICA).

En setembro de 2013, iniciou a súa etapa como directora e presentadora do programa El matí de Catalunya Ràdio en Catalunya Ràdio, substituíndo a Manel Fontes no programa. A Unión de Oficiais da Garda Civil denunciou que en setembro de 2017 Terribas fixo un chamamento aos oíntes do seu programa, El Matí, e en particular aos transportistas, taxistas e demais traballadores da estrada para que informasen os pasos e os movementos dos coches da Garda Civil en Cataluña, para frear as posibles operacións relacionadas co referendo de independencia de 2017.

En xullo de 2020 anunciou que renunciaba ao ano de contrato que lle faltaba e que en setembro non continuaría co programa. Tras o anuncio da súa despedida recibiu o apoio entre outros políticos do presidente da Generalitat de Cataluña Quim Torra e de Carles Puigdemont.