Museos Capitolinos

Na Galipedia, a Wikipedia en galego.
Saltar ata a navegación Saltar á procura
Museos Capitolinos
Muzeum Kapitolinskie.JPG
Palazzo dei Conservatori, un dos tres edificios principais dos museos.
Coordenadas41°53′35″N 12°28′57″L / 41.893021, 12.4825
PaísItalia Italia
CidadeRoma
DirectorClaudio Parisi Presicce
Inauguración1734
Sitio WebPáxina oficial

Os Museos Capitolinos (en italiano: Musei Capitolini) é un museo que contén un grupo de museos de arte e arqueoloxía situado na Piazza del Campidoglio, sobre o outeiro Capitolino de Roma, Italia. Os edificios históricos dos museos son o Palazzo dei Conservatori e o Palazzo Nuovo, un fronte ó outro na praza trapecial nun plan concibido por Michelangelo en 1536 e executado nun período de máis de 400 anos. A historia dos museos remóntase a 1471, cando o papa Sisto IV doou unha colección de importantes bronces antigos ó pobo de Roma e os situou no monte Capitolino. Dende entón, a colección dos museos medrou até incluír un gran número de estatuas romanas, inscricións e outros utensilios; unha colección de arte medieval e do Renacemento; e coleccións de xemas, moedas e outros obxectos. Os museos son propiedade do concello de Roma.

A estatua ecuestre do centro da praza é do emperador Marco Aurelio. É unha copia, xa que a orixinal se atopa no interior do museo.

Abertos ó público en 1734 baixo o goberno do papa Clemente XII, os museos Capitolinos están considerados o primeiro museo do mundo, entendidos como un lugar onde a arte pode ser desfrutada por todos e non só polos seus donos.[1]

Notas[editar | editar a fonte]

  1. AA. VV. Roma e dintorni, edito dal T.C.I. nel 1977, pag. 83. ISBN 88-365-0016-1. Sandra Pinto, in Roma, edito dal gruppo editoriale L'Espresso su licenza del T.C.I. nel 2004, pag. 443. ISBN 88-365-0016-1. AA. VV. La nuova enciclopedia dell'arte Garzanti, Garzanti editore, 2000, ISBN 88-11-50439-2, alla voce "museo".

Véxase tamén[editar | editar a fonte]

Ligazóns externas[editar | editar a fonte]