Moeda de 2 euros

A moeda de 2 euros, cuñada polos Estados membros da Eurozona como moeda de curso legal neses países, está formada por unha zona interior de níquel-latón e unha zona exterior de cuproníquel. Ten un diámetro de 25,75 mm, un grosor de 2,20 mm e un peso de 8,50 gramos. O seu bordo é estriado fino cunha inscrición gravada propia de cada estado.

Todas as moedas teñen un anverso específico de cada Estado e un reverso común para toda a eurozona, deseñado por Luc Luycx, gañador dun concurso convocado para ese efecto polo Consello Europeo e resolto na súa reunión de Ámsterdam do 13 de xuño de 1997. Este reverso común tivo un pequeno axuste en 2007.^[1]^[2]

Os cantos

**Inscricións nos cantos das moedas de 2€**
Estado	Inscrición no canto	Descrición
Alemaña		"EINIGKEIT UND RECHT UND FREIHEIT" (Unidade e Xustiza e Liberdade), lema nacional alemán e o principio do seu himno.
Austria		"2 EURO ★★★" catro veces alternándose cara a arriba e cara a abaixo.
Bélxica, Francia, Irlanda, Luxemburgo, Mónaco, España		"2 ★ ★" seis veces alternándose Cara a arriba e cara a abaixo.
Chipre		"2 EURO 2 ΕΥΡΩ" dúas veces. (2 EURO en grego e turco).
Finlandia		"SUOMI FINLAND" con tres cabezas de león (SUOMI significa Finlandia en finés, e FINLAND significa Finlandia en sueco, os dous idiomas oficiais de Finlandia).
Grecia		"ΕΛΛΗΝΙΚΗ ΔΗΜΟΚΡΑΤΙΑ ★" (ELLENIKI DEMOKRATIA: "REPÚBLICA HÉLENICA" en grego).
Italia, San Mariño, Cidade do Vaticano		"2 ★" seis veces alternándose cara a arriba e cara a abaixo.
Malta		"2✠✠" repítese seis veces alternándose cara a arriba e cara a abaixo.
Países Baixos		"GOD ★ ZIJ ★ MET ★ ONS ★" (DEUS ESTE CON NOS en neerlandés). A inscrición tamén aparecía nos floríns neerlandeses.
Portugal		O bordo mostra os sete castelos e os cinco escudos de armas, que tamén se encontran na cara específica da moeda.
Eslovaquia		"SLOVENSKÁ REPUBLIKA" (REPÚBLICA ESLOVACA en eslovaco) con dúas estrelas e unha folla de tilia.
Eslovenia		"SLOVENIJA ●" (ESLOVENIA en esloveno)