Miguel García Vivancos
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
  | |
| Biografía | |
|---|---|
| Nacemento | 19 de abril de 1895 Mazarrón, España |
| Morte | 23 de xaneiro de 1972 (76 anos) Córdoba, España |
| Ideoloxía política | Anarquismo |
| Actividade | |
| Lugar de traballo | Francia (1936–1972) |
| Ocupación | pintor, Terrorista anarquista, anarquista, sindicalista, anarcosindicalista |
| Membro de | |
| Carreira militar | |
| Conflito | guerra civil española |
Sinatura  | |
| Descrito pola fonte | Diccionari biogràfic del moviment obrer als Països Catalans (pt)  , (sec:García Vivancos, Miguel, p.643-644) |
 | |
Miguel García Vivancos, nado en Mazarrón o 19 de abril de 1895 e finado en Córdoba o 23 de xaneiro de 1972, foi un pintor español.
Traxectoria
[editar | editar a fonte]Aprendiz no arsenal de Cartaxena, marchou coa súa nai viúva e os seus irmáns a Barcelona. Alí entrou no movemento anarquista, formando parte do grupo "Los Solidarios", para loitar activamente contra os pistoleiros contratados polos empresarios para reprimir as reivindicacións obreiras. Durante a guerra civil mandou a columna Los Aguiluchos, formada por membros da Federación Anarquista Ibérica, que de Barcelona saíu a loitar á fronte de Huesca. Dirixiu a 126ª Brigada e a 25ª División en Belchite e Teruel.
Fuxido a Francia ó finalizar a guerra, foi recluído en 1940 no Campo de internamento de Vernet d'Ariège. Permaneceu alí ó comezar a ocupación nazi, sendo liberado pola resistencia, incorporándose á mesma.
Trala guerra traballou en moi diversos oficios. Un día comezou a pintar escenas e paisaxes de París en panos para vendérllelos ós soldados norteamericanos. Foi así como descubriu os seus dotes para a pintura comezando a plasmar as súas obras en óleo sobre lenzo.
En 1947 coñeceu a Picasso, que o acolleu con agarimo, pois xa oíra falar das súas accións durante a guerra civil. Picasso interesouse pola súa pintura e presentoulle a marchante María Cuttoli para que se ocupase de dalo a coñecer. En 1948 realizou a súa primeira exposición en París, na galería Mirador. Foise facendo nome e nunha das súas exposicións André Breton adicoulle unhas liñas, dicindo: A pintura de Miguel G.Vivancos é unha indiscernible lección de candor e forza. O don que ela manifesta é moito máis do que nos prace desvelar só na arte, é o que o sacraliza a partir da vida máis intensamente vivida, a máis elevada posibilidade de recomenzar a vida.[1]
A súa obra está exposta nos Museo de Arte Moderna de Nova York, París, Río de Xaneiro, Skopje e no Museo Internacional de Arte Naíf "Manuel Morán" de Xaén.
As súas obras foron adquiridas por famosos personaxes como François Mitterrand, David Rothschild, Helena Rubinstein ou Greta Garbo.
Exposicións
[editar | editar a fonte]- Galería Mirador. París, 1948.
- Galería Mirador. París, 1956.
- Galería Weil. París, 1957.
- Galería Norval. París, 1958.
- Galería Charpentier. París, 1964.
- Galería Ramón Durán. Madrid, 1971, pasando desapercibida tanto para a crítica como para os coleccionistas.
- Galería Arteta. Bilbao, 1972, con grande éxito. Mesmo coleccionistas de Madrid de pintura naíf que non se decataran da exposición que realizara nesa cidade un ano antes, transladáronse a Bilbao para adquirir a súa obra.
- Galería Arteta. Bilbao, 1974.
Exposicións colectivas
[editar | editar a fonte]- "Les Peintres Naives". París, 1960.
- "Laienmaler". Basilea, 1961.
- "Pittori Naifs". Roma, 1964.
- "Die Lusthof der Naieven". Rotterdam-París, 1964.
- "Le Panorama Internationale de la Peinture Naive". Rabat, 1964.
- "Von Rousseau bis heute". Zagreb-Belgrado-Rijeka-Ljuhijana", 1970.
Notas
[editar | editar a fonte]- ↑ "Manuscrito orixinal en andrebreton.fr". Arquivado dende o orixinal o 05 de marzo de 2016. Consultado o 16 de outubro de 2015.
Véxase tamén
[editar | editar a fonte]Bibliografía
[editar | editar a fonte]- Vallejo-Nágera, Juan Antonio: Naifs españoles contemporáneos.- Madrid: Mas Actual, S.A. de Ediciones. 1975.
- Revista Bellas Artes 73. Ano IV, número 21, marzo 1973. Madrid.
- Bihalji-Merin, Oto: Die Naiven der Welt.- Wiesbaden: R. Löwit Verlag. 1975.
- Miguel G. Vivancos. Catálogo da súa exposición en xaneiro de 1972 na Galería Arteta. Bilbao.
- Miguel G. Vivancos. Catálogo da súa exposición en decembro de 1974 na Galería Arteta. Bilbao.
As Memorias de nuestra guerra y como introducción, el movimiento de liberación de Cataluña, 1936-1939', editado por Ruedo Ibérico [cando?] supóñense redactadas por García Vivancos.
