Mercedes de la Garza

Na Galipedia, a Wikipedia en galego.
Saltar ata a navegación Saltar á procura
Mercedes de la Garza
Mercedes de la Garza Camino (cropped).jpg
Nacemento12 de febreiro de 1939
NacionalidadeMéxico
Alma máterUniversidade Nacional Autónoma de México e Universidade Rey Juan Carlos
Ocupaciónhistoriadora
PremiosPremio Nacional de Ciencias y Artes e honorary doctor of the National Autonomous University of Mexico
editar datos en Wikidata ]

Mercedes de la Garza Camino, nada o 12 de febreiro de 1939, é unha escritora, historiadora, investigadora e académica mexicana que se especializou no estudo da cultura maia e da cultura nahua.

Traxectoria[editar | editar a fonte]

Cursou a licenciatura en Letras Españolas de 1957 a 1962 na Facultade de Filosofía e Letras da Universidade Nacional Autónoma de México (UNAM). Cinco anos máis tarde, cursou a licenciatura en Historia na mesma facultade. Na súa propia alma mater, realizou unha mestría en Historia de México de 1971 a 1973 e un doutoramento en Historia de 1977 a 1979. Realizou diplomados e cursos de posgrao na Universidade Complutense, El Escorial, a Universidade de Tolosa, a Pennsylvania State University, a Universidade Rei Xoán Carlos e na UNAM, onde chegou a ser discípula de Miguel León-Portilla.[1]

Impartiu clases de lingua española e historia de culturas antigas en escolas privadas de 1963 a 1975. Dende 1973 impartiu clases sobre cultura maia e cultura nahua na Facultade de Filosofía e Letras da UNAM, na Facultade de Estudos Superiores Acatlán, no Antigo Colexio de San Ildefonso, así como cursos e diplomados na Casa da Cultura de Campeche, o Museo Nacional de Antropoloxía da Cidade de México, a Universidade Iberoamericana, a Casa América de Madrid, e El Escorial entre outros. Dirixiu máis de vinte e cinco tese de licenciatura, mestría e doutoramento na UNAM, sendo sinodal en máis de corenta exames profesionais. Foi creadora da mestría e doutoramento en Estudos Mesoamericanos.

Investigadora e académica[editar | editar a fonte]

É membro do Sistema Nacional de Investigadores dende 1984, alcanzando o nivel III en 1990 e o recoñecemento de Investigadora Emérita en 1999. É membro da Sociedade Mexicana de Antropoloxía de México, da Asociación de Historiadores Latinomericanos e do Caribe, da Sociedade Mexicana de Historia e Filosofía do Medicamento, da Sociedade Española de Estudos Mayas, da Sociedade Mexicana de Historia das Relixións, da Sociedade Mexicana de Bibliófilos, da Société Européene de Culture e foi membro fundador da Sociedade Internacional pro Valores Humanos "Eric Fromm, Salvador Zubirán". É membro de número da Academia Mexicana de Ciencias dende 1977 e membro de número da Academia Mexicana da Historia, á cal ingresou o 1 de marzo de 2005, ocupando a cadeira 6.[2]

De 1997 a 2000, foi directora do Museo Nacional de Antropoloxía e foi curadora das exposicións Vida y muerte, arte funerario del Occidente de México en España (1998), I Maya, en Venecia (1998-1999) e Los Mayas no Antigo Colexio de San Ildefonso (1999).[3] É investigadora de tempo completo do Centro de Estudos Maias do Instituto de Investigacións Filolóxicas da UNAM e foi designada para exercer o cargo de directora do Instituto do período de 2005 a 2009.[4] É membro permanente do Comité Científico das Mesas Redondas de Palenque e do Instituto Nacional de Antropoloxía e Historia (INAH).[5]

Publicacións[editar | editar a fonte]

Libros[editar | editar a fonte]

  • El hombre en el pensamiento religioso náhuatl y maya, en 1972.
  • La conciencia histórica de los antiguos mayas, en 1975.
  • El hombre en el pensamiento religioso náhuatl y maya, en 1978.
  • Literatura maya, en 1980.
  • El universo sagrado de la serpiente entre los mayas, en 1984.
  • Libro de Chilam Balam de Chumayel, prólogo, introdución e apuntamentos, en 1985.
  • Sueño y alucinación en el mundo náhuatl y maya, en 1990.
  • Relaciones histórico-geográficas de la Gobernación de Yucatán, coautora en 1992.
  • Palenque, en 1992.
  • Aves sagradas de los mayas, en 1995.
  • Rostros de lo sagrado en el mundo maya, en 1998.

Ediciones[editar | editar a fonte]

  • Estudios de cultura maya, dez volumes de 1976 a 1988.
  • Homenaje a Alberto Ruz Lhuillier, coautora e editora en 1981.
  • Memorias del Primer Coloquio Internacional de Mayistas, en 1987.
  • Memorias del Segundo Coloquio Internacional de Mayistas, en 1989.
  • Memorias del Primer Congreso Internacional de Mayistas, en 1992.
  • Teoría e historia de las religiones, en 1998.

Capítulos[editar | editar a fonte]

  • "Jaguar y nagual en el mundo maya" en Studia humanitatis, homenaxe a Rubén Bonifaz Nuño, en 1998.
  • "Time and World in Maya and Nahuatl Thought", en Cultural Relativism and Philosophy North and Latin American Perspectives en 1991.
  • "Visión maya de la conquista", En torno al Nuevo Mundo, en 1992.
  • "El juego de los dioses y el juego de los hombres. Simbolismo y carácter ritual del juego de pelota entre los mayas", en El juego de pelota en Mesoamérica, en 1992.
  • "La religione. Le forze sacre dell'universo maya", en Culture e Religione Indigene in America Centrale e Meridionale, en 1997.
  • "La palabra escrita de los mayas, guardiana de su propio ser", en Filología mexicana, en 2001.
  • "Los animales en la mirada de Sahagún", en Bernardino de Sahagún, quinientos años de presencia, en 2002.
  • "Sacred forces of the maya universe", en Native Religions and Cultures of Central and South America, Anthropology of the Sacred, en 2002.

Notas[editar | editar a fonte]

  1. Academia Mexicana de la Historia. "Mercedes de la Garza Camino. Curriculum vitae" (PDF). Arquivado dende o orixinal (PDF) o 09 de abril de 2011. Consultado o 25 de setembro de 2018. 
  2. Academia Mexicana de la Historia. "Miembros de la Academia. Sillón 6. Mercedes de la Garza Camino". Arquivado dende o orixinal o 07 de setembro de 2009. Consultado o 25 de setembro de 2018. 
  3. "Designan a Mercedes de la Garza directora del Instituto de Investigaciones Filológicas de la UNAM". Universia. Red de universidades. [Ligazón morta]
  4. Cimac. "Mercedes de la Garza, nueva directora del IIFI de la UNAM". cimacnoticias, periodismo con perspectiva de género. Arquivado dende o orixinal o 30 de maio de 2006. Consultado o 25 de setembro de 2018. 
  5. Foro Consultivo Científico y Tecnológico. "Doctora Mercedes de la Garza Camino. Síntesis curricular" (PDF). [Ligazón morta]