Melquíades Álvarez

Na Galipedia, a Wikipedia en galego.
Saltar para a navegação Saltar para a pesquisa
Melquíades Álvarez
Melquiades Álvarez.JPG
Nome completo Melquíades Álvarez González-Posada
Nacemento 17 de maio de 1864
  Xixón
Falecemento 22 de agosto de 1936
  Madrid
Nacionalidade España
Educado en Universidade de Oviedo
Ocupación político, xurista, xornalista e avogado
editar datos en Wikidata ]

Melquíades Álvarez González-Posada, nado en Xixón o 17 de maio de 1864 e finado en Madrid o 22 de agosto de 1936, foi un xurista e político español.

Traxectoria[editar | editar a fonte]

Estudou Dereito na Universidade de Oviedo, onde se licenciou en 1883. Logo dun primeiro intento falido, gañou a Cátedra de Dereito Romano na Universidade de Oviedo en 1889. Amigo de Leopoldo Alas, iniciou a carreira profesional de avogado en Oviedo. Entre 1894 e 1898 foi decano do colexio de avogados da cidade. Despois trasladouse a Madrid.

Excelente orador, a quen denominaban "El Tribuno" e "Pico de Oro", nos seus inicios adscribiuse ao republicanismo de Nicolás Salmerón. En 1912 fundou o Partido Reformista, de inspiración republicana pero disposto a gobernar nunha monarquía democrática, pois consideraba que, en democracia, a cuestión da forma de goberno -monarquía ou república- era accidental.

En 1917 participou no movemento auspiciado por republicanos e socialistas, cuxo fin era convocar Cortes Constituíntes. Fracasado o movemento, Melquíades Álvarez foi moderando o seu discurso e aproximouse ao Partido Liberal da monarquía, o que lle permitiu acceder en 1923 á presidencia do Congreso dos Deputados. Neste posto tratou de convencer a Afonso XIII para que retornara ao parlamentarismo liberal, logo do golpe de Estado de Primo de Rivera. Durante a ditadura participou en varias conspiracións dirixidas a derribar ao ditador.

Na Segunda República o seu partido, naquel momento denominado Partido Republicano Liberal Demócrata, que era xa moi minoritario, situábase no centro-dereita do espectro político. Elixido deputado por Madrid (pola Candidatura de Apoio á República, nos escanos das minorías) e Valencia (na Conxunción Republicano-Socialista, nos escanos das maiorías) nas eleccións constituíntes de 1931 (celebrado un sorteo, adscribíuselle á circunscrición valenciana) e reelixido por Asturias en 1933 e 1936 (nas listas conxuntas coa CEDA). Tamén foi decano do Colexio de Avogados de Madrid.

En agosto de 1936, un mes despois do comenzo da Guerra civil, Melquíades Álvarez foi recluído, ao igual que outros dirixentes políticos conservadores, no Cárcere Modelo de Madrid e posteriormente asasinado por milicianos esquerdistas.

Véxase tamén[editar | editar a fonte]

Bibliografía[editar | editar a fonte]

  • Álvarez de Miranda, Sarah (2002). Melquíades Álvarez, mi padre. Oviedo: ed. Nobel. ISBN 84-8459-111-5.
  • García Venero, Maximiano (1974). Melquiades Alvarez. Historia de un Liberal (2ª ed. ampliada). Madrid: Ediciones Tebas. ISBN 84-7273-057-3.
  • Oliveros, Antonio L. (1989). Asturias en el resurgimiento español. Gijón: Silverio Cañada editor. ISBN 84-7286-282-8.

Outros artigos[editar | editar a fonte]

Ligazóns externas[editar | editar a fonte]