Melissa McCarthy

Na Galipedia, a Wikipedia en galego.
Saltar ata a navegación Saltar á procura
Melissa McCarthy
Melissa McCarthy in 2018 (cropped).jpg
Nome completoMelissa Ann McCarthy
Nacemento26 de agosto de 1970 e 26 de agosto de 1969
 Plainfield
NacionalidadeEstados Unidos de América
Alma máterJoliet Catholic Academy e Southern Illinois University
Ocupaciónactriz, humorista, guionista, produtora, produtora de televisión, escritora, actriz de televisión, actriz de cinema, actriz de teatro e actriz de dobraxe
CónxuxeBen Falcone
PremiosEmmy do Primetime para melhor atriz numa série de comédia, Emmy do Primetime para melhor atriz convidada numa série de comédia, vencedores do MTV Movie Award de melhor comediante, Framboesa de Ouro de pior atriz e The Razzie Redeemer Award
editar datos en Wikidata ]

Melissa Ann McCarthy, nada en Plainfield (Illinois) o 26 de agosto de 1970,[1] é unha actriz, cómica, escritora, deseñadora de moda e produtora estadounidense.

Comezou a aparecer na televisión e no cinema a finais da década de 1990, e gañou recoñecemento polo seu papel como Sookie St. James na serie de televisión Gilmore Girls (2000–07). Entre 2007 e 2009, interpretou a Dena na telecomedia de ABC Samantha Who? antes de ser escollida como Molly Flynn na sitcom de CBS Mike & Molly (2010–16), papel que lle valeu un Emmy á mellor actriz nunha serie de comedia, así como outras dúas candidaturas nas temporadas seguintes.[2] Tamén foi candidata en cinco ocasións (2012, 2013, 2014, 2016 e 2017) ao Emmy como actriz convidada de comedia polas súas aparicións como presentadora en Saturday Night Live, gañando o premio en 2017.

McCarthy logrou recoñecemento xeral e aclamación da crítica pola súa interpretación na comedia Bridesmaids (2011); por ese traballo recibiu candidaturas ao Óscar como mellor actriz secundaria, aos premio BAFTA e aos Premios do Sindicato de Actores.[3] En 2013, coprotagonizou as comedias Identity Thief e The Heat. Apareceu en papeis secundarios, incluídos The Nines (2007), The Back-up Plan (2010), Así é a vida (2010), This Is 40 (2012) e Resacón 3 (2013). En 2014, McCarthy protagonizou a comedia Tammy e a comedia dramática St. Vincent. En 2015, encabezou a comedia de acción Spy, pola que recibiu unha candidatura ao Globo de Ouro á mellor actriz de comedia ou musical.

McCarthy e o seu esposo Ben Falcone fundaron On the Day, unha compañía de produción. En 2015, recibiu unha estrela no Paseo da Fama de Hollywood,[4] lanzou a súa propia liña de roupa, Melissa McCarthy Seven7,[5] e foi declarada a terceira actriz mellor pagada do mundo por Forbes.[6][7] En 2016, Forbes nomeouna como a segunda actriz mellor pagada do mundo, con ganancias de 33 millóns de dólares.[8]

Vida persoal[editar | editar a fonte]

McCarthy casou co seu mozo, Ben Falcone, actor e alumno de The Groundlings, o 8 de outubro de 2005.[9][10] A parella ten dúas fillas, Vivian, nada en maio de 2007, e Georgette, nada en marzo de 2010.[11] O primeiro embarazo de McCarthy foi incluído na última temporada de Gilmore Girls. Vivian e Georgette apareceron no filme de 2016 The Boss, en que a primeira interpretaba unha versión nova da personaxe da súa nai. Falcone e McCarthy expresaron o desexo de que as súas fillas se centrase na súa educación e procurasen unha carreira profesional na interpretación posteriormente.

Falcone fixo aparicións en filmes e series de televisión de McCarthy, como a terceira temporada de Gilmore Girls, The Nines, Bridesmaids, The Heat, Tammy, Identity Thief, Spy, The Boss, Life of the Party, The Happytime Murders e Can You Ever Forgive Me?.

Dende o principio de Mike & Molly, McCarthy perdeu aproximadamente uns 35 kg. Considera que a perda de peso se debeu a unha dieta alta en proteínas e baixa en carbohidratos, exercicio regular e unha "vida superaburrida" que inclúe ir á cama ás 7:30 p.m.[12]

McCarthy é prima da actriz, modelo e presentadora Jenny McCarthy.[13][14]

Filmografía[editar | editar a fonte]

Ano Filme Personaxe Notas
1998 God Margaret Curtametraxe
1999 Go Sandra
2000 Charlie's Angels Doris
2000 Drowning Mona Shirley
2000 Auto Motives Tonnie Curtametraxe
2000 Disney's The Kid Sky King Waitress
2002 Pumpkin Cici Pinkus
2002 Third Wheel, TheThe Third Wheel Marilyn
2002 White Oleander Paramedic
2003 Life of David Gale, TheThe Life of David Gale Nico the Goth Girl
2003 Chicken Party Tot Wagner
2003 Charlie's Angels: Full Throttle Woman at Crime Scene Só acreditada
2007 Cook Off! Amber Strang
2007 Nines, TheThe Nines Margaret/Melissa/Mary
2007 The Captain Fran Curtametraxe
2008 Just Add Water Selma
2008 Pretty Ugly People Becky
2010 Back-Up Plan, TheThe Back-Up Plan Carol
2010 Así é a vida DeeDee
2011 Bridesmaids Megan Price
2012 This Is 40 Catherine
2013 Identity Thief Diana/Dawn Budgie
2013 Resacón 3 Cassy
2013 The Heat Detective Shannon Mullins
2014 Tammy Tammy Banks Tamén guionista e produtora
2014 St. Vincent Maggie Bronstein
2015 Spy Susan Cooper
2016 The Boss Michelle Darnell Tamén guionista e produtora
2016 Central Intelligence Darla McGuckian Cameo
2016 Ghostbusters Dr. Abigail "Abby" Yates
2018 Life of the Party Deanna Miles Tamén guionista e produtora
2018 The Happytime Murders Detective Connie Edwards Tamén produtora
2018 Can You Ever Forgive Me? Leonore "Lee" Israel
2019 The Kitchen Kathy Brennan
2020 Superintelligence Carol Peters Tamén produtora
TBA The Starling Lilly Maynard
TBA Thunder Force Tamén produtora

Notas[editar | editar a fonte]

  1. Ray, Rahman (23 de agosto de 2013). "Monitor". Entertainment Weekly (en inglés). Consultado o 5 de abril de 2016. 
  2. "And the 2011 Emmy Award Nominees Are" (en inglés). TV Fanatic. 14 de xullo de 2011. Consultado o 24 de abril de 2020. 
  3. "Oscar nominations announced for supporting actress". Arquivado dende o orixinal o 16 de decembro de 2019. Consultado o 02 de xaneiro de 2020. 
  4. "Pharrell, Pitbull Getting Stars on Walk of Fame". Rolling Stone (en inglés). Consultado o 28 de xullo de 2017. 
  5. "Real Girls React to Melissa McCarthy’s Denim Line". PEOPLE.com (en inglés). 21 de decembro de 2016. Consultado o 28 de xullo de 2017. 
  6. "Jennifer Lawrence, Scarlett Johansson, Melissa McCarthy Top World's Highest Paid Actresses List". Entertainment Tonight (en inglés). Consultado o 20 de agosto de 2015. 
  7. "Jennifer Lawrence tops Forbes' highest-paid actress list with Scarlett Johansson and Melissa McCarthy". Daily Mail (en inglés). Consultado o 20 de agosto de 2015. 
  8. "The World's Highest-Paid Actresses 2016: Jennifer Lawrence Banks $46 Million Payday Ahead Of Melissa McCarthy". Forbes (en inglés). 23 de agosto de 2016. Consultado o 6 de setembro de 2016. 
  9. Arieanna (22 de outubro de 2005). "Melissa McCarthy gets married!!". Gilmore News. Consultado o 30 de xullo de 2011. 
  10. "Ben Falcone". 2011. Consultado o 30 de xullo de 2011. 
  11. Cardoza, Riley (4 de febreiro de 2019). "Melissa McCarthy Admits Her Preteen Daughters Have More Confidence Than She Did Pushing 30". US Weekly. Consultado o 31 de xullo de 2019. 
  12. Wilson, Samantha (6 de abril de 2016). "Melissa McCarthy: The Secret Behind Her Incredible 75lb Weight Loss Revealed". Hollywood Life. Consultado o 23 de maio de 2016. 
  13. "Famous Cousins: Melissa McCarthy, Jenny McCarthy and Other Stars Who Are Related". PEOPLE.com (en inglés). 24 de xullo de 2014. Consultado o 15 de setembro de 2017. 
  14. "Jenny McCarthy Slams Critic Over Melissa McCarthy Weight Diss". E! Online (en inglés). Consultado o 15 de setembro de 2017. 

Véxase tamén[editar | editar a fonte]

Ligazóns externas[editar | editar a fonte]