Louis Matias Karl Padin Varela, nado en Estocolmo o 23 de xuño de 1980, é un actor sueco de pais galegos.[1] Creceu en Södermalm ó sur de Estocolmo, e as súas interpretacións de máis sona son as de Miguel Santos en Nya tider, Jorge Chávez na serie Arne Dahl, Jorge Salcedo na terceira tempada da serie de televisión Narcos e Jorge Salinas nos filmes de Snabba Cash.
Fillo de cambadeses,[2] segundo as súas declaracións de pequeno non se consideraba sueco nin eles considerábano sueco, chamábanlle "cabeza negra". Conta igualmente que «ser inmigrante no norte de Europa é unha cousa complicada». Traballou dez anos de albanel e fala con fluidez sueco, galego, español e inglés.[3]