Martin Frobisher

Martin Frobisher
Nacemento	1535
Lugar de nacemento	Altofts
Falecemento	15 de novembro de 1594
Lugar de falecemento	Plymouth
Soterrado	St Giles-without-Cripplegate
Nacionalidade	Reino de Inglaterra
Ocupación	mariño e militar
Na rede
[ editar datos en Wikidata ]

Martin Frobisher, nado en Wakefield contra 1535 e finado en Plymouth o 22 de novembro de 1594, foi un mariño e militar inglés.

Traxectoria

Organizou tres expedicións (1576, 1577 e 1578) a Groenlandia, no curso da cales explorou as costas da terra da illa Baffin, o estreito de Hudson e a baía que leva o seu nome, intentando en balde descubrir o Paso do Noroeste cara a China. En 1576 volvería a casa co que el cría que era ouro pero resultou ser pirita, o que hoxe se coñece como «o ouro dos parvos».

Participou na expedición de piratería de Francis Drake a América (1585) e estivo no enfrontamento contra a Armada Invencible (1588). Morreu en Plymouth, días despois de ser ferido en Brest apoiando a Henrique IV de Francia contra a Liga Católica e os españois.