Antón Sánchez García

Antón Sánchez García
	;
Biografía
Nacemento	1974 (51/52 anos); Alacant, España
Grupo étnico	Pobo galego
Actividade
Ocupación	político
Partido político	ANOVA-Irmandade Nacionalista ; Bloque Nacionalista Galego

Antón Sánchez García, nado en Alacant en 1974, é un enxeñeiro técnico, sindicalista e político galego de Anova, do cal foi o portavoz nacional dende 2017 ata 2022.

Traxectoria

Enxeñeiro técnico en xardinería e hortofruticultura pola Escola Politécnica de Lugo, dedicouse á produción hortícola ecolóxica en Bergondo. Membro do Sindicato Labrego Galego, foi coordinador nacional do sector de horta (2006-2008) e forma parte da dirección nacional. É membro da Xunta Directiva do Grupo de Desenvolvemento Rural As Mariñas-Betanzos como representante do sector agrícola. Concelleiro en Bergondo dende 2007, foi candidato á alcaldía nas municipais de 2011 polo BNG. Militante e membro da Coordinadora Nacional de Anova-Irmandade Nacionalista, é responsable da área de Medio Ambiente e sostibilidade. En 2012 foi candidato de Alternativa Galega de Esquerda ás eleccións ao Parlamento de Galicia pola provincia da Coruña e foi elixido deputado. Nas eleccións ao Parlamento de Galicia 2016 foi elixido deputado por En Marea.

No 2017, sucedeu a Xosé Manuel Beiras como portavoz nacional de Anova^[1], exercendo como tal ata a súa dimisión en xullo de 2022.

Notas

↑ Redacción (2017-03-19). "Beiras entrega el relevo en su partido al diputado Antón Sánchez con el encargo de unir izquierda y nacionalismo". ElDiario.es (en castelán). Consultado o 2025-12-17.

Véxase tamén

Ligazóns externas

Ficha no Parlamento de Galicia Arquivado 24 de novembro de 2016 en Wayback Machine.

[portavoz-1] Redacción (2017-03-19). "Beiras entrega el relevo en su partido al diputado Antón Sánchez con el encargo de unir izquierda y nacionalismo". ElDiario.es (en castelán). Consultado o 2025-12-17.

[1]