Mario Tiddia
Tiddia | |||
---|---|---|---|
Información persoal | |||
Nome | Mario Tiddia | ||
Nacemento | 5 de maio de 1936 | ||
Lugar de nacemento | Sarroch | ||
Falecemento | 5 de agosto de 2009 | ||
Lugar de falecemento | Sarroch | ||
Altura | 170 centímetros | ||
Posición | defensa | ||
Carreira xuvenil | |||
Olbia | |||
Carreira sénior | |||
Anos | Equipos | Aprs | (Gls) |
1957–1958 | Olbia | ||
1958–1968 | Cagliari | 201 | (0) |
1967 | → Chicago Mustangs | ||
Adestrador | |||
1975–1976 | Cagliari | ||
1978–1981 | Cagliari | ||
1981–1982 | Pescara | ||
1982–1983 | Torres | ||
1983–1984 | Cagliari | ||
1987–1988 | Cagliari | ||
1989–1990 | La Palma | ||
1991–1992 | Selargius | ||
1992–1993 | Civitavecchia | ||
1997–1998 | Monteponi Iglesias | ||
Partidos e goles só en liga doméstica. [ editar datos en Wikidata ] | |||
Mario Tiddia, nado en Sarroch, Cagliari, o 5 de maio de 1936 e finado no mesmo lugar o 5 de agosto de 2009, foi un futbolista e adestrador italiano, que xogaba como defensa. A súa carreira estivo estreitamente vencellada ao Cagliari, club onde se converteu nun símbolo. Militou nel como futbolista durante unha década e máis tarde adestrouno en varias etapas.
Era curmán do arcebispo Pier Giuliano Tiddia.[1]
Traxectoria
[editar | editar a fonte]Como futbolista
[editar | editar a fonte]Como xogador permaneceu máis dunha década no Cagliari, club ao que chegou en 1958 procedente do Olbia. Viviu un descenso á Serie C na tempada 1959/60 e logo o primeiro ascenso do club sardo á Serie A na 1963/64, da que foi un dos protagonistas. Na campaña seguinte alcanzou o sexto posto da liga. Disputou un total de 58 partidos na Serie A e 98 na Serie B.
Co Cagliari tamén viviu unha experiencia no campionato norteamericano organizado en 1967 pola United Soccer Association e recoñecido pola FIFA, no que o equipo sardo saíu ao campo representando os Chicago Mustangs e obtendo o terceiro posto na División Oeste.[2][3]
Como adestrador
[editar | editar a fonte]Foi adestrador asistente do Cagliari durante varios anos e máis tarde dirixiu o conxunto rossoblu en diferentes etapas. Pasou por momentos pouco brillantes como o descenso á Serie B da tempada 1975/76, pero tamén foi o protagonista do retorno á máxima categoría en 1978. Na tempada 1980/81 obtivo un sexto posto na liga.
Ademais do Cagliari tamén adestrou o Pescara na Serie B e o Torres na Serie C2. En 1983 foi reclamado de novo polo Cagliari, que acababa de caer á Serie B, pero non conseguiu o ascenso. Na tempada 1987/88 volveu de novo ao banco do equipo rossoblu, que militaba desta vez na Serie C1 e estaba en postos de descenso, e conseguiu a salvación. Logrou tamén permanencia co La Palma Cagliari na súa única tempada na Serie C2. Era alcumado "Cincinnato", en referencia ao ditador romano Lucio Quinzio Cincinnato, debido a que alternaba a actividade de adestrador coa de labrego.[4]
Doente durante moito tempo, morreu na súa localidade natal o 5 de agosto de 2009.[4]
Recoñecementos
[editar | editar a fonte]O Cagliari incluíuno no seu Salón da Fama.[5] O campo municipal de Sarroch, a súa localidade natal, leva o seu nome.
Palmarés
[editar | editar a fonte]- Cagliari
- Serie C (1): 1961/62.
Notas
[editar | editar a fonte]- ↑ Murtas, Gianfranco (15 de decembro de 2016). "Don Pier Giuliano Tiddia, arcivescovo emerito di Oristano, è prete da 65 anni. Gli auguri di quanti gli vogliono bene!" (en italiano). Consultado o 27 de abril de 2022.
- ↑ "The Year in American Soccer - 1967" (en inglés). 15 de agosto de 2008. Arquivado dende o orixinal o 28 de marzo de 2019. Consultado o 27 de abril de 2022.
- ↑ "Con Scopigno negli States 47 anni fa". La Nuova Sardegna (en italiano). 30 de maio de 2014. Consultado o 27 de abril de 2022.
- ↑ 4,0 4,1 "Addio Cincinnato! Il Cagliari piange la morte di Tiddia" (en italiano). 7 de agosto de 2009. Consultado o 27 de abril de 2022.
- ↑ "Hall of Fame" (en italiano). Arquivado dende o orixinal o 27 de abril de 2022. Consultado o 27 de abril de 2022.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en nasljerseys.com (en inglés).