Marie Taglioni

Marie Taglioni

Biografía
Nacemento	23 de abril de 1804 Estocolmo Suecia
Morte	22 de abril de 1884 (79 anos) Marsella Francia
Lugar de sepultura	Cemiterio do Père-Lachaise, 94 48°51′38″N 2°23′56″L
País de nacionalidade	Italia/Suecia
Actividade
Campo de traballo	Coreografía
Ocupación	Bailarina
Período de actividade	1822 - 1880
Profesores	Filippo Taglioni e Jean-François Coulon
Alumnos	Elena Andreianova (en)
Familia
Familia	Taglioni (en) e famille de Voisins (en)
Cónxuxe	Conde Gelbeit de Voisins
Parella	Alexander Trubetskoy
Fillos	Georges Philippe Gilbert, Comte Gilbert de Voisins  () Jean Pierre Victor Albert Gilbert, Comte Gilbert de Voisins Marie-Eugenie Gilbert de Voisins  () Jean Pierre Victor Albert Gilbert, Comte Gilbert de Voisins
Pais	Filippo Taglioni   e Sophie Karsten
Irmáns	Paul Taglioni
Parentes	Auguste Gilbert de Voisins, neto
Descrito pola fonte	Grande Enciclopedia Soviética 1969-1978, (sec:Тальони Мария) Dictionary of National Biography Allgemeine Deutsche Biographie

Marie Taglioni, nada en Estocolmo (Suecia) o 23 de abril de 1804 e finada en Marsella (Francia) o 22 de abril de 1884, foi unha bailarina italo-sueca do ballet romántico e unha figura central na historia da danza en Europa.

Traxectoria

Marie Taglioni naceu na cidade sueca de Estocolmo o 23 de abril de 1804, fixa de Filippo Taglioni e Sophie Karsten, que tiveron outro fillo, Paul, que chegou a ser tamén bailarín e coreógrafo e foi parella de Marie nalgunhas das súas representacións. Seu pai foi un coñecido bailarín e coreógrafo, que no momento no que naceu Marie era bailarín e mestre na Kungliga Operan (Ópera Real de Estocolmo).

Recibiu leccións de ballet do seu pai e debutou en Viena en 1822 nun ballet coreografado polo seu pai, La Reception d'une jeune nymphe a la tour de Terpsichore, no que a súa futura rival Fanny Elssler bailou no corpo de baile.

En 1835 casou co Conde Gelbeit de Voisins, co que tivo dous fillos. Con todo, o seu home non vía con bos ollos as súas frecuentes viaxes e pediulle que deixase a súa carreira como bailarina, ao que Taglioni se negou, o que motivou o divorcio da parella logo de tres anos de matrimonio. A ruptura con de Voisins moveu a Marie a deixar a Opéra de Paris e trasladarse a San Petersburgo en 1837 logo de ter asinado un contrato co Ballet do Mariinsky. Deste xeito, Taglioni chegou á capital do Imperio Ruso cos seus maiores logros como bailarina ás costas, tendo conquistado Europa, xerando un entusiasmo pouco habitual na sociedade rusa e aparecendo constantemente nas páxinas da prensa local.

Logo de retirarse da danza, Marie Taglioni foi vivir ás beiras do lago Como (Italia), e na década de 1870 trasladouse a Londres, onde ensinou danza a nenos e mulleres da alta sociedade.

A pesar da súa temperá fama, Marie Taglioni morreu na pobreza en Marsella aos 79 anos. Cincuenta anos despois de morrer, o seu corpo foi trasladado a París. A pesar de que hai un sepulcro que leva o seu nome no cemiterio de Montmartre, onde bailaríns de todo o mundo lle renden tributo, en 2007 revelouse que a tumba non pertencía a ela senón á súa nai Sophia Taglioni, e que en realidade Marie está enterrada no cemiterio de Père-Lachaise, en París, baixo o nome de quen fora o seu exmarido, o Comte Gilbert de Des Voisins.