Maracaibo

Maracaibo
	Centro da cidade
Localización
	; Maracaibo
País	Venezuela
Estado	Zulia
Concello	Maracaibo
Xeografía
Altitude	6 msnm
Superficie	1.393 km²
Demografía
Poboación	2 108 404 hab. (2010)
Densidade	6.981,64 hab/km²
Xentilicio	Marabino(a); Maracucho(a)
Outros datos
Código postal	4001, 4002, 4003, 4004, 4005
Alcalde	Eveling Trejo de Rosales (UNT)
	Páxina oficial

Coordenadas: 10°39′N 71°38′O / 10.650, -71.633

A cidade de Maracaibo é a capital do Estado do Zulia, en Venezuela, e mais do Municipio Maracaibo. É alcumada "Tierra del Sol Amada".^[1]

Xeografía[editar | editar a fonte]

Véxase tamén: Lago de Maracaibo, Coquivacoa e Relampo do Catatumbo.

Clima[editar | editar a fonte]

Maracaibo é unha das cidades máis quentes de Venezuela e de toda América do Sur, de clima entre semiárido (Köppen: BSh) e de sabana tropical (Köppen: Aw) atenuado pola influencia moderadora do lago de Maracaibo; A temperatura histórica media de Maracaibo é de 29 °C (84,2 °F). No pasado, o clima da cidade, de feito en toda a costa do lago de Maracaibo, era insalubre debido á combinación de altas temperaturas e alta humidade. Hoxe, o control das pragas e os efectos do desenvolvemento urbano erradicaron en boa medida eses problemas.

Poboación[editar | editar a fonte]

Edificio no sector Indio Mara

Posúe unha poboación aproximada de algo máis de dous millóns e medio de habitantes, converténdose así na segunda cidade con máis poboación de toda Venezuela e a cidade máis extensa do país.

Situación[editar | editar a fonte]

Situada no occidente do territorio venezolano, en terreos de orixe aluvial, dentro da depresión do lago de Maracaibo na beira noroeste deste.

Historia[editar | editar a fonte]

Rúa Carabobo no barrio de El Saladillo

Idade Moderna[editar | editar a fonte]

A cidade foi fundada por primeira vez en 1529 polo conquistador alemán Ambrosius Einger como Neu Nürnberg ("novo Nürnberg") na colonia de Klein-Wenedig, pero pronto foi abandonada.

Foi refundada o 20 de xaneiro de 1571 polo capitán Alonso Pacheco co nome de Nueva Zamora, despois de tres anos de guerras cos indios Sáparas, Kyrikiris, Alliles e Toas locais.

Até o século XVII foi un importante porto colonial, tras varios ataques piratas perdeu a súa importancia.

Idade Contemporánea[editar | editar a fonte]

Despois do descubrimento dos campos petrolíferos en 1917, a cidade comezou a desenvolverse activamente.

Cultura[editar | editar a fonte]

Unha das manifestacións culturais típicas de Maracaibo é a gaita zuliana.

Ensino superior[editar | editar a fonte]

Praza central na URBE

En Maracaibo hai diversas universidades, sendo as principais a Universidade do Zulia - (LUZ, fundada en 1891) e a Universidade Rafael Urdaneta (fundada en 1973).

Ademais están radicadas en Maracaibo a Universidad Nacional Experimental de la Fuerza Armada UNEFA, Universidad Rafael Belloso Chacín - (URBE), Universidad Católica Cecilio Acosta, Universidad Dr. José Gregorio Hernández, Universidade Bolivariana de Venezuela sede Zulia e a Universidade Nacional Aberta (UNA).