Manuel Rivas Rey
| Biografía | |
|---|---|
| Nacemento | 29 de xullo de 1914  Forcarei, España |
| Morte | 31 de outubro de 1937 (23 anos) A Fonsagrada, España |
| Datos persoais | |
| País de nacionalidade | España |
| Actividade | |
| Ocupación | canteiro , militar |
| Lingua | Lingua galega |
Manuel Rivas Rey, nado en Forcarei o 29 de xullo de 1914 e finado na Fonsagrada o 31 de outubro de 1937, foi un canteiro e militar galego.
Traxectoria[editar | editar a fonte]
Fillo de José Rivas e Manuela Rey. Canteiro afiliado á UGT. Co golpe de Estado do 18 de xullo de 1936 foi sarxento do Batallón 219 no Exército Popular da República en Asturias.[1] Coa caída da fronte norte tratou de retornar a Galicia cun grupo de dezaseis anarquistas do Batallón Galicia comandados por José Moreno Torres. A noite do 29 ao 30 de outubro de 1937 chegaron ao porto do Acevo, na Fonsagrada, nos límites de Asturias e Galicia. Alí fixeron noite en dous grupos en dúas tabernas. O grupo de nove que durmía na taberna máis internada en Galicia no que estaban Manuel Rey e Maximino Díaz Bugallo foi sorprendido por falanxistas e gardas civís da zona, que os capturaron e executaron sumariamente. O outro grupo, alertado polos disparos, non foi sorprendido; enfrontáronse aos atacantes e mataron a un falanxista á unha da madrugada do día 30 de outubro. Despois dun breve tiroteo escaparon pola parte posterior da casa e internáronse no monte. Foi soterrado nunha fosa común do cemiterio da Fonsagrada.
Notas[editar | editar a fonte]
Véxase tamén[editar | editar a fonte]
Ligazóns externas[editar | editar a fonte]
- Manuel Rivas Rey na páxina web Nomes e Voces.