Manuel Comneno Ducas

Na Galipedia, a Wikipedia en galego.
Infotaula de personaManuel Comneno Ducas

Editar o valor em Wikidata
Biografía
Nacementoc. 1187 Editar o valor em Wikidata
Morte1241 (Gregoriano) Editar o valor em Wikidata (53/54 anos)
Déspota (pt) Traducir
Emperor of Thessalonica (en) Traducir
Editar o valor em Wikidata
Datos persoais
País de nacionalidadeImperio Bizantino Editar o valor em Wikidata
Actividade
Ocupaciónmonarca Editar o valor em Wikidata
Familia
FamiliaDinastía Comneno Ducas Editar o valor em Wikidata
CónxuxeMaria Asanina Komnene (en) Traducir Editar o valor em Wikidata
PaisJoão Ducas (pt) Traducir Editar o valor em Wikidata  e Zoe Doukaina (en) Traducir Editar o valor em Wikidata
IrmánsTeodoro Comneno Ducas, Constantino Comneno Ducas (pt) Traducir e Miguel I Comneno Ducas Editar o valor em Wikidata
ParentesMiguel I Comneno Ducas (paternal half-brother (en) Traducir)
Isaac Komnenos Doukas (en) Traducir (paternal half-brother (en) Traducir)
Alexios Komnenos Doukas (en) Traducir (paternal half-brother (en) Traducir) Editar o valor em Wikidata

Manuel Comneno Ducas (en grego: Μανουήλ Κομνηνός Δούκας, Manuēl Komnēnós Dúkas), nado c. 1187 e finado c. 1241, a miúdo incorrectamente chamado Manuel Anxo (un nome que nunca usou), foi gobernador de Tesalónica de 1230 a 1237 e de Tesalia de 1239 até a súa morte en c. 1241.

Traxectoria[editar | editar a fonte]

Manuel foi o fillo lexítimo do sebastocrátor Xoán Ducas. Foi así un primo irmán do emperador Isaac II Anxo e Aleixo III Anxo, e irmán de Miguel I Comneno Ducas e Teodoro Comneno Ducas de Epiro. Probabelmente despois de 1225 ou 1227 déuselle o título de déspota como ao seu irmán, Teodoro. Case ao mesmo tempo casou, se cadra coa súa segunda esposa, María Asenina Comnena, a filla ilexítima de Iván Asen II de Bulgaria, o que axudou a cimentar a alianza do seu irmán con este país.

Despois da derrota e captura do seu irmán Teodoro por parte dos búlgaros na Batalla de Klokotnitsa en 1230 a Manuel foille permitido por Iván Asen II gobernar sobre Tesalónica e os seus arredores co título de déspota. Nun momento dado Manuel tratou de establecer contactos co Papado, pero en 1232 a longa ruptura co Patriarcado Oriental en Nicea foi finalmente remediada.

Manuel gobernou pacificamente até 1237, cando o seu sogro viúvo Iván Asen II casou con Irene, a filla do cativo Teodoro. Neste punto, Teodoro e os seus fillos foron liberados do cativerio e decidiron recuperar o goberno de Tesalónica. Manuel non tivo éxito en buscar o apoio do príncipe Godofredo II de Villehardouin de Acaia, e viuse obrigado a fuxir a Asia Menor.

Despois dunha tempada entre os selxúcidas de Rüm e en Nicea, Manuel regresou a Grecia co apoio niceno en 1239 e capturou varias fortalezas incluíndo Larisa e Farsalia do fillo de Teodoro Xoán Comneno Ducas, establecéndose como gobernante de Tesalia. Teodoro e Xoán tiveron que acceder a dividir as terras da familia. Cando Manuel morreu ao redor de 1241, o territorio pasou a mans do seu outro sobriño, Miguel II Comneno Ducas de Epiro.

Matrimonio e descendencia[editar | editar a fonte]

Coa súa esposa María Asenina Comnena, Manuel puido ter polo menos unha filla:

  • Helena Comnena Ducaina, que casou con Guglielmo da Verona, triarca de Eubea.

Véxase tamén[editar | editar a fonte]

Bibliografía[editar | editar a fonte]

  • The Oxford Dictionary of Byzantium, Oxford University Press, 1991 (en inglés).
  • P. Lock, The Franks in the Aegean 1204–1500, Nova York, 1995 (en inglés).
  • K. Varzos, Ē genealogia tōn Komnēnōn, (Thessalonica, 1984), vol. 2, 637-656 (en grego).