Manuel Abeledo
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2019.) |
| Biografía | |
|---|---|
| Nacemento | 5 de abril de 1945  Goiás |
| Morte | 19 de marzo de 2016 (70 anos) A Coruña |
 Presidente da Deputación de Pontevedra | |
| 1995 – 2003 ← César Mera – Rafael Louzán → | |
| Datos persoais | |
| Educación | Universidade de Salamanca |
| Actividade | |
| Ocupación | político, mestre |
| Descrito pola fonte | Gran Enciclopedia Galega Silverio Cañada |
 | |
Manuel Abeledo López, nado en Goiás (Lalín) o 5 de abril de 1945[1] e finado na Coruña o 19 de marzo de 2016, foi un profesor e político galego de tendencia conservadora.
Traxectoria
[editar | editar a fonte]Licenciado en Filosofía e Letras pola Universidade de Salamanca, foi profesor e Director Técnico do Colexio Liceo La Paz da Coruña (1973-1975) e funcionario do Corpo de Inspectores Técnicos de Educación por oposición. Desempeñou os cargos de Inspector Técnico de Educación en Málaga (1979-1984) e Melilla (1982-1984).
Foi nomeado Subdirector Xeral de Planificación, Profesorado e Centros da Consellería de Educación da Xunta de Galicia o 13 de marzo de 1984 ocupando o posto ata xaneiro de 1987, data na que o nomearon Inspector Técnico de Educación da Coruña e en 1989 Inspector Xefe de Educación da Coruña. O 7 de marzo de 1991 foi nomeado Director Xeral de Transportes da Consellería de Ordenación do Territorio e Obras Públicas e o 4 de xaneiro de 1994 Delegado Provincial da Consellería de Agricultura, Gandería e Montes.
Militante do Partido Popular, foi concelleiro en Lalín, presidente da Deputación de Pontevedra e vicepresidente provincial do partido en Pontevedra.
Finou na Coruña o 19 de marzo de 2016.[2]
Vida persoal
[editar | editar a fonte]Casou con Carmen Pérez Díaz en 1973 e foi pai de Carmen, Marta e Manuel Abeledo Pérez.
Notas
[editar | editar a fonte]- ↑ Barrera, Feliciano, ed. (2002). "Abeledo López, Manuel". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 10. ISBN 84-8064-113-4.
- ↑ "Fallece Manuel Abeledo Lopez, expresidente de la Diputación de Pontevedra", artigo en Faro de Vigo, 20 de marzo de 2016 (en castelán).
Véxase tamén
[editar | editar a fonte]Ligazóns externas
[editar | editar a fonte]| Predecesor: César Mera |
 Presidente da deputación de Pontevedra 1995-2003 |
Sucesor: Rafael Louzán |
