Manu Lama
| Manu Lama | |||
|---|---|---|---|
| Información persoal | |||
| Nome | Manuel Lama Maroto | ||
| Nacemento | 12 de febreiro de 2001 | ||
| Altura | 1,92 m. | ||
| Posición | Defensa | ||
| Información de club | |||
| Club actual | Fuenlabrada | ||
| Número | 5 | ||
| Carreira xuvenil | |||
| 2018–2020 | Atlético de Madrid | ||
| Carreira sénior | |||
| Anos | Equipos | Aprs | (Gls) |
| 2020–2023 | Atlético de Madrid B | 21 | (0) |
| 2020–2021 | → CF La Nucía | 12 | (0) |
| 2023– | Fuenlabrada | 13 | (0) |
|
Partidos e goles só en liga doméstica. Club: actualizado a 31 de outubro de 2023. [ editar datos en Wikidata ] | |||
Manuel Lama Maroto, coñecido como Manu Lama, nado en Madrid o 12 de febreiro de 2001, é un futbolista español que xoga como defensa do Fuenlabrada, da Primeira División RFEF.
É fillo do famoso locutor deportivo Manolo Lama.[1]
Traxectoria[editar | editar a fonte]
Comezou a xogar ao fútbol no colexio Mirabal de Boadilla del Monte.[2] Con 10 anos realizou unha proba co Atlético de Madrid e posteriormente ingresou na escola de fútbol do club. En idade xuvenil entrou na canteira do Atlético, disputando a División de Honra Xuvenil e a Liga Xuvenil da UEFA.[2] Para a tempada 2020/21 foi cedido ao CF La Nucía, da Segunda División B, onde disputou 14 partidos, 10 deles como titular.[3] Na derradeira xornada como local no estadio Camilo Cano ante o Badalona lesionouse gravemente, ao sufrir unha fractura de peroné e dos ligamentos do nocello.[2][4]
De regreso no Atlético e despois de oito meses de baixa, reapareceu co filial na Terceira División RFEF en decembro de 2021. Disputou 20 partidos co equipo ata o final da tempada, contribuíndo ao ascenso a Segunda RFEF, e foi convocado un par de veces por Simeone para o primeiro equipo, aínda que non chegou a debutar.[2] Na seguinte campaña sufriu unha nova lesión, desta vez muscular, que o volveu afastar dos terreos de xogo durante meses.
En xaneiro de 2023, durante o mercado invernal, fichou polo Fuenlabrada, da Primeira División RFEF.[5] Chegou ao equipo aínda lesionado e non puido debutar ata abril, cando se estreou nunha derrota por 3-0 contra o Badajoz.[6]
Notas[editar | editar a fonte]
- ↑ "Manu Lama, otro canterano que hace las maletas para buscar minutos". Mundo Deportivo (en castelán). 4 de setembro de 2020. Consultado o 31 de outubro de 2023.
- ↑ 2,0 2,1 2,2 2,3 Guerrero, José Luis (23 de xuño de 2023). ""Puede que me insulten más por llevar en la camiseta Lama, pero es mi apellido"" (en castelán). Consultado o 31 de outubro de 2023.
- ↑ Aranda, Rafa (22 de outubro de 2020). "Manu Lama, hijo de Manolo Lama, el nuevo muro de La Nucía". As (en castelán). Consultado o 31 de outubro de 2023.
- ↑ "Manu Lama vuelve a jugar ocho meses después de su lesión". As (en castelán). 16 de decembro de 2021. Consultado o 31 de outubro de 2023.
- ↑ Martínez, Sergio (27 de xaneiro de 2023). "Manu Lama refuerza la defensa del Fuenlabrada" (en castelán). Consultado o 31 de outubro de 2023.
- ↑ "Manu Lama por fin debutó con el Fuenla tras su larga lesión" (en castelán). 28 de abril de 2023. Arquivado dende o orixinal o 31 de outubro de 2023. Consultado o 31 de outubro de 2023.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en LaPreferente.com (en castelán).
| Control de autoridades |
|
|---|
