Macrauchenia

Macrauchenia (que quere dicir "gran llama", baseado no termo latino para llamas, Auchenia) era un ungulado de pescozo e lombo longos orixinario de América do Sur, tipificador da orde Litopterna. Os fósiles máis antigos destes animais roldan os sete millóns de anos, e M. patachonica desaparece do rexistro fósil durante o Plistoceno tardío, ó redor de hai 20.000 ou 10.000 anos. M. patachonica era o membro máis coñecido da familia Macraucheniidae, e é coñecido por fósiles atopados principalmente na Arxentina. A especie tipo foi descuberta por Charles Darwin durante a viaxe do Beagle. En vida, Macrauchenia parecíase a un camelo o un elefante curto, aínda que non é estreitamente relacionado cos camelo ou proboscídeos.