Bíceps braquial

Para outras páxinas con títulos homónimos véxase: Bíceps (homónimos).

Bíceps braquial
m. biceps brachii
Instancia de tipo de órgano muscular quiral clase de entidade anatómica  Subclase de muscle of anterior compartment of arm (en) entidade anatómica particular  Parte de muscle of anterior compartment of arm (en)  Composto por long head of the biceps brachii (en) short head of the biceps brachii (en)
Características
Localización anatómica brazo
Conéctase con ligamento glenoideo umeral
Irrigado por arteria braquial arteria circunflexa umeral anterior
Drenado por veas braquiais
Inervado por nervio musculocutáneo
Músculo antagonista tríceps braquial
Acción muscular flexión da articulación do cóbado supination of the forearm (en) flexion of the arm at the shoulder joint (en)
Orixe do músculo proceso coracoide escapular ligamento glenoideo umeral Tubérculo supraglenoide da escápula
Inserción do músculo Tuberosidade radial
Códigos e identificadores Freebase /m/01h75d Thesaurus do NCI C32200 TA 98 A04.6.02.013 OpenAlex C2994558629, C2909441243 e C2781425419
Fontes e ligazóns  Descrito pola fonte Anatomía de Gray (20ª edición) pp. 443
Wikidata C:Commons

O bíceps braquial é un músculo do membro superior humano. Ao igual có femoral, está composto por unha porción curta e unha longa. Insírese superiomente na escápula e inferiormente no radio. Forma parte do plano muscular superficial do brazo.

Insercións

• Superiores:
  • Da porción longa: tubérculo supraglegnoide da escápula.
  • Da porción curta: apófise coracoide da escápula.
• Inferiores: Un único tendón insírese na tuberosidade radial.

Traxecto e relacións

A porción curta sae da apófise coracoide levando por dentro o músculo coracobraquial. Atravesa a canle bicipital, tapado polo ligamento de Gordon-Brodie. Tras pasar pola canle únese coa porción longa formando unha única masa muscular. Neste momento, o bíceps cobre o braquial anterior e entre eles discorre o nervio musculocutáneo, que innerva a ambos músculos e tamén ó coracobraquial. Superficialmente, relaciónase co sistema venoso superficial do brazo, coa vea cefálica por fóra e coa vea basílica por dentro. Na parte máis inferior a masa muscular diminúe de diámetro e fórmase o tendón bicipital. Este tendón limita por fóra a canle bicipital interna e por dentro a canle bicipital externa. Xa no antebrazo, o tendón insírese na parte posterolateral do tubérculo radial.

Funcións

• Flexor do antebrazo sobre o brazo.
• Supinador do antebrazo.

Innervación e vascularización

• Innervación: nervio musculocutáneo.
• Vascularización: arteria umeral.