Lucy Salani

Lucy Salani

Biografía
Nacemento	(it) Luciano Salani 12 de agosto de 1924 Fossano (Reino de Italia)
Morte	21 de marzo de 2023 (98 anos) Boloña, Italia
Residencia	Boloña
Actividade
Ocupación	tapiceiro, decoradora
Movemento	Antifascismo
Carreira militar
Conflito	Segunda Guerra Mundial

Lucy Salani, nada en Fossano o 12 de agosto de 1924 e finada en Boloña o 22 de marzo de 2023, foi unha activista italiana e a única persoa transxénero italiana coñecida en ter sobrevivido nos campos de concentración nazis.

Nada en Fossano e criada en Boloña, Salani considerábase un home homosexual antes de someterse a unha cirurxía de reasignación de xénero máis tarde na súa vida. Declarada antifascista, desertou dos exércitos fascista italiano e alemán nazi durante a segunda guerra mundial, antes de ser capturada e deportada ao campo de concentración de Dachau en 1944, onde permaneceu até a liberación do campo polas tropas estadounidenses en abril de 1945. Trala súa liberación e o remate da guerra, Salani viviu en Roma, Turín e París, antes de completar a súa transición en Londres. Logo regresou a Boloña na década de 1980 e finalmente pasou o resto da súa vida nesa cidade, onde faleceu en 2023 aos 98 anos.

A historia de vida de Salani gañou a atención do público durante a década de 2010, xa que a escritora e directora Gabriella Romano lle dedicou unha biografía e un documental.

Véxase tamén

Bibliografía

• Romano, Gabriella (2009). Il mio nome è Lucy. L'Italia del XX secolo nei ricordi di una transessuale (en italiano). Donzelli Editore. ISBN 978-8-8603-6362-6. 
• Romano, Gabriella (2012). Essere Lucy (en italiano). Manifesto Libri. ISBN 978-8-8728-5564-5.