Lorca Fútbol Club
 | Este artigo (ou sección) está desactualizado(a). A información fornecida mudou ou é insuficiente. |
| Lorca FC | |||
|---|---|---|---|
| Nome | Lorca Fútbol Club | ||
| Fundación | 2003 (23 anos) | ||
| Estadio | Estadio Francisco Artés Carrasco, Lorca, España | ||
| Inauguración | 2003 | ||
| Capacidade | 8.120 | ||
| Na rede | |||
| http://www.lorcafc.com/ | |||
| |||
O Lorca Fútbol Club foi un club de fútbol español da cidade de Lorca (Rexión de Murcia). Fundado en 2003, desapareceu en 2022 tras refirarse da competición.
Historia
[editar | editar a fonte]O club fundouse no verán de 2003 na pedanía de La Hoya (Lorca), da man de Pedro Rosell co nome de La Hoya Deportiva. Comezou a súa traxectoria na Primeira Territorial, onde xogou catro tempadas ata que en 2007 acabou en terceira posición e consegue o ascenso a Territorial Preferente. Despois de tres anos nesta categoría, na tempada 2009-10 proclamouse campión e ascende a Terceira División.
En 2010 mudou o nome polo de La Hoya Lorca Club de Fútbol e xa superaba tanto en número de abonados coma en asistencia ao estadio o primeiro equipo da cidade, o Lorca Atlético, que xogaba en Segunda División B. Na tempada do seu debut na categoría, o equipo acabou sétimo. Na seguinte, por mor de obras de reforma no campo de Los Tollos, o equipo trasládase de xeito temporal ao Estadio Francisco Artés Carrasco. Naquela tempada o equipo acabou en cuarta posición e xogou a promoción de ascenso a Segunda B, onde superou na primeira eliminatoria o Díter Zafra pero caeu na segunda contra o Catarroja CF. A terceira tempada en Terceira comezou co traslado definitivo ao Estadio Francisco Artés Carrasco, pola probable desaparición do Lorca Atlético. Aquela tempada o equipo proclamouse campión do seu grupo e conseguiu o ascenso de categoría logo de superar ao Penya Esportiva.
Na tempada 2013-14, no seu debut en Segunda B, o equipo acabou en segunda posición e xogou o play-off de ascenso a Segunda División. Na primeira eliminatoria superou o Las Palmas Atlético pero caeu na segunda contra o CE L'Hospitalet. A seguinte tempada foi máis complicada para o equipo, que certificou a salvación na penúltima xornada e acabou no posto 13. Na tempada 2015-16, o empresario chinés e exfutbolista Xu Genbao mercou o equipo co obxectivo de ascender á división de prata do fútbol español. Naquela tempada o Lorca FC acabou na sexta posición.
Na tempada 2016-17 Xu Gembao adquiriu o 100% das accións do club e transformouse en sociedade anónima deportiva co nome de Lorca Fútbol Club S.A.D.. Malia o mal comezo de tempada, o equipo proclamouse campión do grupo 4 na penúltima xornada. O seu rival na eliminatoria de ascenso de campións foi o Albacete Balompié. O resultado no partido de ida no estadio Carlos Belmonte foi de empate a 1, mentres que na volta serviulle o empate a 0 para subir por primeira vez na súa historia á Segunda División.
Uniforme
[editar | editar a fonte]- Uniforme titular: Camiseta azul, pantalón azul, medias azuis.
- Uniforme alternativo: Camiseta branco, pantalón branco, medias brancas.
Datos do club
[editar | editar a fonte]Historial na liga
[editar | editar a fonte]| Tempada | Categoría | Posto |
|---|---|---|
| 2003/04 | 1ª Territorial | 13º |
| 2004/05 | 1ª Territorial | 4º |
| 2005/06 | 1ª Territorial | 6º |
| 2006/07 | 1ª Territorial | 3º |
| 2007/08 | Terr. Preferente | 10º |
| 2008/09 | Terr. Preferente | 15º |
| 2009/10 | Terr. Preferente | 1º |
| 2010/11 | 3ª | 7º |
| 2011/12 | 3ª | 4º |
| 2012/13 | 3ª | 1º |
| 2013/14 | 2ªB | 2º |
| 2014/15 | 2ªB | 13º |
| 2015/16 | 2ªB | 6º |
| 2016/17 | 2ªB | 1º |
Palmarés
[editar | editar a fonte]- Terceira División Española (1): 2012-13
- Territorial Preferente (1): 2009-10
Véxase tamén
[editar | editar a fonte]Ligazóns externas
[editar | editar a fonte]- Web oficialArquivado 18 de maio de 2017 en Wayback Machine.