Liudmila Kupriánova

Liudmila Kupriánova
Nome orixinal	Liudmila Alekséevna Kupriánova
Biografía
Nacemento	1914; San Petersburgo, (Imperio ruso)
Morte	13 de xaneiro de 1987; Leningrado (Unión Soviética)
Causa da morte	Infarto agudo de miocardio
Residencia	Rusia
País de nacionalidade	rusa
Formación profesional	Doutora en Bioloxía
Educación	Universidade Herzen
Actividade
Campo de traballo	Botánica, systematic botany (en) , Palinoloxía e Paleobotánica
Lugar de traballo	Unión Soviética
Ocupación	naturalista
Empregador	Instituto Botánico Komarov (San Petersburgo)
Obra
Abreviación dun autor en botánica	Kuprian.
Familia
Cónxuxe	Yevgeni Bobrov

Liudmila Alekséevna Kupriánova (en ruso Людмила Андреевна Куприянова), nada en 1914 en San Petersburgo (Imperio ruso) e finada o 13 de xaneiro de 1987 na mesma cidade (chamada daquela Leningrado), foi unha botánica e palinóloga soviética.

Traxectoria

A súa carreira científica transcorreu durante máis de cincuenta anos, a maior parte deles no Instituto Botánico Komarov en San Petersburgo, no que durante moitos anos foi a directora do grupo de palinoloxía. É recoñecida pola documentación de coleccións de paleopalinoloxía e actuopalinolocía, así como da palinoteca do Instituto, que na actualidade inclúe 21 000 exemplares de palinomorfos.

A doutora Kupriánova publicou máis de 200 traballos de botánica sistemática, historia da flora e palinomorfoloxía.

As súas máis temperás achegas foron dos xéneros Leonorus, Linaria, Lotus, Panzeria, entre outros, para a Flora de Rusia. O seu primeiro artigo palinolóxico foi sobre as rosáceas. Contra 1948 xa publicara unha obra senlleira "Pollen morphology & phylogeny of Monocotyledons". Sobre a palinoloxía das amentíferas foi a súa tese de doutoramento. Pioneira na utilización de microscopía de alta resolución, nas súas versións TEM e SEM: Allium, Chloranthus, Cousinia, Liquidambar, Nelumbo e Nymphaea.

A súa experiencia valelle ser convocada por diversas revistas científicas para formar parte do comité editorial, por exemplo, Pollen et Spores (Francia), Review of Palaeobotany & Palynology (Países Baixos) e World Pollen & Spores (Suecia).

Morreu o 13 de xaneiro de 1987 a causa dun ataque ao corazón.

Honores

Alexander Alfonsovich Grossheim dedicoulle a especie Secale kuprijanovii.
Sergei Arsenjevic Nevski dedicolle a subespecie transcaucasica dunha gramínea en perigo de extinción.

Abreviatura

A abreviatura Kuprian. emprégase para recoñecer a Liudmila Kupriánova como autoridade na descrición e clasificación científica en botánica.

Véxase tamén

Bibliografía

Valentjna Fedorovna Tarasevich (1988): LUDMILA ANDREEVNA KUPRIANOVA. 1914-1987 en Palynos 11 (1): 5.

Ligazóns externas