Lisbon Lions
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Lisbon Lions (en galego "Os heroes de Lisboa") é o cualificativo que recibiron os xogadores que fixeron realidade o soño de acada-la Copa de Europa para o conxunto de Celtic F.C. de Glasgow ó gañarlle na final xogada no Estadio Nacional de Lisboa o 25 de maio de 1967 por 2-1 ó Inter de Milán.
Nese encontro os xogadores escoceses poñían o punto derradeiro a unha tempada na que gañaran todo o que xogaron, xa que ademais do cetro europeo quedaran campións da Liga escocesa de fútbol, da Copa de Escocia, da Copa da Liga escocesa e mais da Copa de Glasgow.
Falan as crónicas dun partido no que o Celtic non parou de atacar durante os 90 minutos que durou o encontro e dunha demostración de moita vontade, ataques continuos e dun bo fútbol o amosado polos escoceses. Foi o que Helenio Herrera, que era o adestrador dos italianos, definiu en verbas de seu como "unha vitoria para o deporte".
Integrantes
[editar | editar a fonte]- Velaquí tódolos integrantes partícipes do triunfo final adestrados polo tamén escocés Jock Stein:
- Ronnie Simpson.
- Jim Craig.
- Tommy Gemmell. Autor do tanto que puña o 1-1 provisional.
- Bobby Murdoch.
- Billy McNeill. Capitán.
- John Clark.
- Jimmy Johnstone.
- Willie Wallace.
- Stevie Chalmers. Autor do gol da vitoria.
- Bertie Auld.
- Bobby Lennox.
- John Fallon.
Todos estes futbolistas naceron nun radio de 30 millas (algo máis de 55 quilómetros) con respecto á casa do club, Celtic Park. Este feito supón que, aínda na actualidade, o Celtic siga a se-lo único conxunto europeo en gaña-la Copa de Europa cun equipo sen estranxeiros.