Linus Gerdemann

Na Galipedia, a Wikipedia en galego.
Saltar ata a navegación Saltar á procura
Linus Gerdemann
Linus Gerdemann 2006.jpg
Información persoal
Nacemento Linus Gerdemann
16 de setembro de 1982 (36 anos)
Münster, Alemaña
Nacionalidade Alemaña Alemaña
Equipo
Último equipo T-Mobile
Equipo(s) Pro
2003-2004
2005
2006-
Winfix
CSC
T-Mobile
Principais vitorias

Linus Gerdemann, nado en Münster o 16 de setembro de 1982, é un ciclista alemán.

Carreira deportiva[editar | editar a fonte]

Gendermann debutou como profesional en 2003 no equipo Winfix Techem. En 2005 ficha polo Akud Arnolds Sicherheit ata maio, pero logo muda para o CSC, un equipo xa de primeira fila, grazas á que o seu compatriota Jens Voigt llo recomenda ao director técnico Bjarne Riis. Estando nel leva durante un tempo o maillot amarelo nos Catro días de Dunkerque, onde finalmente queda quinto, e vence na sétima tirada da Volta a Suíza.

Ao ano seguinte, cando aínda lle quedaba un ano de contrato, troca para o T-Mobile, equipo que o acompañará nos seus mellores resultados, quedando 6º na Volta a Cataluña de 2006 e 7º na Volta a Suíza. En 2006 a piques está de participar no Tour de Francia, logo da descualificación dos seus compañeiros Jan Ullrich e Óscar Sevilla por dopaxe, pero finalmente o seu equipo decide non substituílos e queda fóra.

O 14 de xullo de 2007, logo dunha longa escapada dun grupo de catorce corredores na que vai quedando só, obtén unha vitoria de tirada no Tour, na chegada de Grand-Bornand. Mercé a esa vitoria colocouse durante un día de líder na proba francesa, no primeiro ano da súa participación.