Lina Khan
| Lina Khan | |
|---|---|
.jpg) | |
| Nacemento | 3 de marzo de 1989 |
| Lugar de nacemento | Londres |
| Nacionalidade | Estados Unidos de América e Reino Unido |
| Alma máter | Universidade Yale, Williams College, Universidade de Oxford, Mamaroneck High School e Yale Law School |
| Ocupación | avogada |
| Coñecida por | Amazon’s Antitrust Paradox |
| Na rede | |
| https://www.linamkhan.com/ | |
   | |
| [ editar datos en Wikidata ] | |
Lina M. Khan, nada en Londres en 1989, é unha xurista estadounidense especializada en dereito antimonopolio e da competencia nos Estados Unidos. É profesora asociada de Dereito na Columbia Law School. O 22 de marzo de 2021, o presidente Joe Biden anunciou que a nomeaba para ser comisionada da Comisión Federal de Comercio, un cargo que require a confirmación do Senado.[1][2][3]
Traxectoria[editar | editar a fonte]
Lina Khan de pais paquistanís, trasladouse con eles aos Estados Unidos cando tiña 11 anos. Graduouse no Williams College en 2010, onde escribiu a súa tese sobre Hannah Arendt. Tamén foi editora do xornal estudantil de Williams. Despois de graduarse, foi traballar á New America Foundation, onde realizou investigacións antimonopolio e escribiu para o Programa de Mercados Abertos. En 2017 licenciouse en Dereito pola Facultade de Dereito de Yale, onde foi editora da revista Yale Journal on Regulation.[4]
O paradoxo antimonopolio de Amazon[editar | editar a fonte]
Sendo aínda estudante de Dereito na Universidade Yale, converteuse nunha figura pública en 2017 cando o seu artigo no Yale Law Journal, "Amazon's Antitrust Paradox", tivo un impacto significativo nos círculos xurídicos e empresariais estadounidenses. O New York Times describiuno como "unha reformulación de décadas de dereito dos monopolios".[4]
Notas[editar | editar a fonte]
- ↑ "Biden to nominate tech antitrust pioneer Lina Khan for FTC commissioner" (en inglés). 22 March 2021. Consultado o 22 March 2021.
- ↑ "President Biden Announces his Intent to Nominate Lina Khan for Commissioner of the Federal Trade Commission". 22 March 2021. Consultado o 22 March 2021.
- ↑ "Esta genio de Yale es la única persona en el mundo que sabe cómo derrotar a Amazon". www.elconfidencial.com (en castelán). 2021-03-22. Consultado o 2021-03-27.
- ↑ 4,0 4,1 "Amazon’s Antitrust Antagonist Has a Breakthrough Idea" (en inglés). September 7, 2018. ISSN 0362-4331. Consultado o September 8, 2018.
