Leopoldo Martínez Padín

Leopoldo Martínez Padín

Biografía
Nacemento	21 de setembro de 1823 Tui, España
Morte	26 de marzo de 1850 (26 anos) Madrid, España
Datos persoais
País de nacionalidade	España
Educación	Universidade de Santiago de Compostela
Actividade
Ocupación	xornalista
Lingua	Lingua castelá

Historia política, religiosa y descriptiva de Galicia, Tomo I (en PDF).

Leopoldo Martínez Padín, nado en Tui o 21 de setembro de 1823 e finado en Madrid o 26 de marzo de 1850, foi un historiador, xornalista e poeta galego.

Traxectoria

Fixo dous anos de Filosofía no Seminario Conciliar San Paio da súa vila natal e licenciouse en Xurisprudencia na Universidade de Santiago de Compostela en 1847.

En Santiago formou parte, xunto con Antonio Neira de Mosquera, José María Posada, Francisco Añón, Antolín Faraldo, Alberto Camino e outros da Academia Literaria de Santiago e fundou e dirixiu La Armonía. Por un artigo publicado no número un deste xornal (6 de agosto de 1845) foi denunciado e a publicación suspendida..

Marchou a vivir a Madrid, onde finou aos 26 anos de idade.

Obra

• Suspiros del corazón (1845). Poesía romántica.
• "A la reina con motivo de su enlace con el Señor don Francisco de Asis", 8 pp (1846). Poesía.
• Historia política, religiosa y descriptiva de Galicia (Madrid, 1849). Debido ao seu prematuro pasamento, só escribiu o primeiro tomo e parte do segundo.

Véxase tamén

Bibliografía

• Mato Domínguez, Alfonso (2005). "Martínez Padín, Leopoldo". Gran Enciclopedia Galega (DVD). El Progreso. ISBN 84-87804-88-8. 
• "Martínez Padín, Leopoldo". Dicionario biográfico de Galicia 2. Ir Indo Edicións. 2010-2011. p. 286. 

Ligazóns externas

• "Comision organizadora del Liceo" (1847) en Galiciana. Biblioteca de Galicia.