LX Festival de Ópera da Coruña

O barítono italiano Leo Nucci foi unha das voces que participaron no Festival.

O tenor Celso Alvelo participou no concerto inaugural o 29 de agosto xunto coa soprano Irina Lungu.

O LX Festival de Ópera da Coruña tivo lugar entre os días 29 de agosto e 5 de outubro de 2012. Nesta edición do festival tiveron lugar os seguintes eventos:

Óperas

Nesta edición do Festival interpretáronse dúas óperas: Nabucco de Verdi, e Madama Butterfly de Puccini.

• Nabucco interpretouse en versión de concerto o día 8 de setembro coa Orquestra e Coro da Sinfónica de Galicia baixo a dírección de Keri-Lynn Wilson e con Leo Nucci (barítono), Elisabete Matos (soprano) e Pancho Corujo (tenor) nos papeis principais.
• Madama Butterfly representouse en escena os días 27 e 30 de setembro coa Orquestra Sinfónica de Galicia e o Coro Gaos baixo a dirección de Marcello Panni e con Mario Ponrtiggia como director de escena. Os papeis principais foron interpretados por Fiorenza Cedolins (soprano), Tito Beltrán (tenor) e Borja Quiza (barítono)

Gala lírica

O 5 de outubro tivo lugar, ao igual que nas anteriores edicións do Festival, unha gala lírica coa mezzosoprano Elīna Garanča acompañada pola Orquestra Sinfónica de Galicia baixo a dirección do seu home, o británico Karel Mark Chichon. Na gala do 60 aniversario, a soprano letoa interpretou arias de Mozart, Donizetti, Tchaikovski etc.

Novas voces galegas

O 21 de setembro tivo lugar unha nova edición do ciclo As novas voces galegas cun concerto da soprano ferrolá Patricia Rodríguez Rico.

Gala de Belcanto

O 29 de agosto realizouse o concerto de inauguración do Festival da man do tenor Celso Albelo e a soprano Irina Lungu, acompañados pola Orquestra Sinfónica de Galicia baixo a dirección de Daniel Oren. No concerto interpretáronse arias e dúos de óperas de Donizetti, Bellini, Verdi etc.

Véxase tamén

Outros artigos

• Festival de Ópera da Coruña

Ligazóns externas

• Sitio web da Asociación de Amigos da Ópera da Coruña

Predecesor: LIX Festival de Ópera da Coruña

LX Festival de Ópera da Coruña 2012

Sucesor: LXI Festival de Ópera da Coruña