Lázaro Louzao

Lázaro Louzao
	;
Biografía
Nacemento	25 de novembro de 1988 (35 anos)
Actividade
Ocupación	director de cinema, guionista

Hilario Pérez Louzao, máis coñecido como Lázaro Louzao, nado en Xove en 1988, é un cineasta e fotógrafo galego.

Traxectoria

Comezou a expoñer fotografía en 2006 cando aínda cursaba bacharelato na Coruña. Ese mesmo ano mudouse a Santiago de Compostela, onde estudou Fotografía Artística na EASD Mestre Mateo e fixo un máster en Arte e Comunicación.

En 2010 trasladouse a Bilbao, onde dirixiu as súas primeiras curtametraxes á vez que estudaba Comunicación Audiovisual. Entre estes primeiros traballos destaca CRAC, baseado no poemario homónimo de Gonzalo Hermo. Despois dun breve período en Barcelona onde dirixiu a súa terceira curta no mestrado de Documental Creativo, volveu á Coruña no ano 2016, onde creou Costura Films.

En 2018 estreou no Festival Zinegoak de Bilbao a súa primeira longametraxe, Nove de novembro, que é a primeira de temática LGBT rodada en lingua galega. En setembro recibe o premio á mellor película galega na Semana Internacional de Cine de Autor de Lugo.^[1]

En xuño do 2020 recibe da man de ALAS A Coruña o XVI Premio Marcela e Elisa a visibilidade LGBT^[2], porén o acto de entrega quedou adiado por mor da pandemia de COVID-19. En xaneiro do 2022 publica Palpar a Pel^[3], un libro que recolle a súa traxectoria fotográfica de espidos masculinos.

Filmografía

Curtametraxes

Los seres sombríos (2013)
CRAC (2014)
La luz que no vemos (2015)
Pedras e riceiros (2019)

Longametraxes

Nove de novembro (2018)

Fotografía

Exposicións

Occidente (2006)
Semillas del asfalto (2007)
Morte e tempo: Ouro falso de 18 kilates (con poemas de Andrea Nunes Brións)(2007)
Destino Nafta (2008)
Hai roupa tendida (con poemas de Andrea Nunes Brións) (2008)
Ilun Ikarak (2013)
Atxarte (2014)
AZUL ROJO OCRE (2017)
O Tento (2018)
Queerborgs (2020)
Sovint, Lluentons a la boca (2022)
A Idade dos Metais (2022)^[4]
Na parte baixa da escaleira (2022)

Publicacións

AZUL ROJO OCRE (2017) (Fanzine da exposición)
Palpar a Pel (2022) (Libro recopilatorio; prólogo de Abel Azcona) ISBN: 978-84-09-37539-4
A Idade dos Metais (2022) (Fanzine da exposición)

Notas

↑ SL, POMBAPRESS. "La Semana Internacional de Cine de Autor de Lugo concede el premio del público a la película libanesa 'El Insulto"". Galiciapress (en castelán). Consultado o 2018-12-12.
↑ ""No quiero ser el único autor de cine en Galicia que se dedique a temática LGTB"". La Opinión de A Coruña. 11 de xuño de 2020.
↑ Santos, Ágatha de (2022-02-02). "La diversidad de la belleza masculina, al desnudo". Faro de Vigo (en castelán). Consultado o 2022-04-21.
↑ "Lázaro Louzao, en Blacke Box". El Ideal Gallego (en castelán). Consultado o 2022-04-21.

Véxase tamén

Ligazóns externas

Lázaro Louzao na IMDb (en inglés).
Páxina Oficial

[1] SL, POMBAPRESS. "La Semana Internacional de Cine de Autor de Lugo concede el premio del público a la película libanesa 'El Insulto"". Galiciapress (en castelán). Consultado o 2018-12-12.

[2] ""No quiero ser el único autor de cine en Galicia que se dedique a temática LGTB"". La Opinión de A Coruña. 11 de xuño de 2020.

[3] Santos, Ágatha de (2022-02-02). "La diversidad de la belleza masculina, al desnudo". Faro de Vigo (en castelán). Consultado o 2022-04-21.

[4] "Lázaro Louzao, en Blacke Box". El Ideal Gallego (en castelán). Consultado o 2022-04-21.

[1]

[2]

[3]

[4]