Andrea Nunes Brións
 (2023)  | |
| Biografía | |
|---|---|
| Nacemento | 13 de abril de 1984 (41 anos) Marín, España |
| Educación | Universidade de Santiago de Compostela |
| Actividade | |
| Ocupación | poetisa, escritora |
| Obra | |
Obras destacables
| |
| Premios | |
| |
   | |
Andrea Núñez Briones, coñecida tamén como Andrea Nunes Brións,[1] nada en Marín o 13 de abril de 1984,[2] é unha escritora galega.[3]
Traxectoria
[editar | editar a fonte]Licenciouse en Filoloxía Hispánica pola Universidade de Santiago de Compostela no ano 2009. É unha activista política e feminista. A súa obra céntrase no ensaio e no xénero poético, está escrita na súa maior parte en lingua galega e é de carácter marcadamente feminista. Colabora de maneira activa en publicacións e proxectos relacionados co xénero, diversidade e lingua. Pertence ao grupo As Candongas do Quirombo e a Plataforma de Crítica Literaria A Sega.
Os seus versos foron publicados en numerosas revistas, xornais e libros colectivos. O seu primeiro poemario Corrente do esquecemento apareceu en 2007 editado por Aturuxo (Federación Galega de Asociacións Lésbicas, Gais, Bisexuais e Transexuais). En 2011 publicou Todas as mulleres que fun, foi finalista nos premios AELG, é un poemario ilustrado por Annet Borrás onde fai unha crítica contra o capitalismo, o patriarcado e a falta de consciencia ecolóxica. No 2018 escribe conxuntamente con María Rosendo Diáspora do amor balea, co que gañou o XII Premio de Poesía Erótica Illas Sisargas en 2017. O seu último poemario, Esta disidencia que habitamos, é unha antoloxía bilingüe en español e galego editada por Librefeminista (Madrid), libro no que coexiste cos textos da autora clásica Renée Vivien.
Foi profesora durante seis anos en diferentes partes da China: Universidade de Nanjing, Universidade Normal de Changchun e en Xi´an Jiaotong Liverpool University. En Italia traballou na Università de Ca´Foscari en Venecia e ao seu regreso a Galicia no Centro de Linguas da Universidade da Coruña. Na actualidade é profesora de ensino secundario en Santiago de Compostela e imparte diferentes obradoiros sobre escrita creativa e diversidade.
Obra
[editar | editar a fonte]Poesía
[editar | editar a fonte]- Corrente do esquecemento (2007). Aturuxo.
- Todas as mulleres que fun (2011). Corsárias.
- Diáspora do amor balea (2018). con María Rosendo Priego. Caldeirón.
- Esta disidencia que habitamos. Antoloxía bilingüe esp/gal (2023). Librefeminista editora.
- Mapa da estría (2025). Santiago: Chan da Pólvora. ISBN 978-84-129324-4-7.[4]
Obras colectivas
[editar | editar a fonte]- Sem as mulheres nom há revoluçom. XXV Festival da Poesia no Condado. Salvaterra de Miño: S. C. D. Condado, 2011.
- Mulheres entre poesía e luita (AMC). Assembleia de Mulheres do Condado. 2011
- A cidade na poesía galega do século XXI. Noia: Toxosoutos, 2012.
- Como cantan las piedras. Ed. Isla Negra, Puerto Rico, 2012
- Guía viva de ortodoxos y heterodoxos en la poesía gallega contemporánea. Ed. Endimión. 2012
- Versus cianuro. Poemas contra a mina de ouro de Corcoesto. Malpica de Bergantiños: A. C. Caldeirón, 2013.
- Cuestión social. Literatura, cine y prensa. Estudios de Comunicación Social. Andavira Editora. 2013
- Prólogo del libro Do amor e outras mariconadas de Ricardo de Barreiro, Ed. Toxosoutos.
- 150 Cantares para Rosalía de Castro, 2015, libro electrónico.
- De Circes e Morganas. Homenaxe das escritoras a Begoña Caamaño. 2015, libro electrónico.
- 13. Antología de la poesía gallega próxima. (ed) María Xesús Nogueira. Edición bilingüe. Compostela/Madrid. Chan da pólvora & Papeles mínimos. 2017
- Que nom te silenziem. XXXII Festival da poesia no Condado. Salvaterra de Miño: S. C. D. Condado, 2018.
- Árbores que non arden. As mulleres na prevención de incendios forestais. Proxecto Batefogo. Catro Ventos. 2019
- Poetízate. Cood Fran Alonso. Xerais 2018.
- Prólogo do libro Entrecontar de Yolanda Aldrei, Através Editora, 2020
- Nxs, as inadaptadxs. Representações, desejos e histórias lgbtiq na Galiza Através Editora.
- 15 voces da nova poesía galega. Edición día das letras galegas. Gadis, 2021.
- Poetas gallegos y portugueses. Ateneo de Pontevedra/ Deputación de Pontevedra, 2021
- Alguén que Respira! Corpos, Disidencias e desexos. Xunta de Galicia- Concello de Santiago, 2022
- Prólogo do libro Ex Céntricas de Anxela Lema e Sara Villar (Fetiche ed.)
- Somos pandeireteiras. (ed) Natalia Balseiro, libro electrónico. 2022
- Antoloxía Biosbarda para Parche. Ruín Alteredicións e Asociación Protectora de Animais Os Biosbardos, 2022
- Prólogo de Feitas ao Sisel de Diana Kurich, Editorial Caldeirón, 2023
Ensaio
[editar | editar a fonte]- Tecermos redes, crearmos comunidade (Xerais, 2020; coordinadora, con Ánxela Lema París)
- O cento voando. Amores, alianzas e non monogamias. (Xerais: 2023: coodinadora, con Anxela Lema París)
En colaboración coas Candongas do Quirombo
[editar | editar a fonte]- Agora ti. (vídeo-poema)
- A memoria da lingua. (documental)
- Todas as mulleres que fun. (vídeo-poema)
- E derivados. (poema da autora musicado)
Premios
[editar | editar a fonte]- Premio do Público como mellor curtametraxe experimental no Festival de Baumann c2, Barcelona 2011.
- Premio curtametraxe gañadora Todas as mulleres que fun no Festival Galego Cinestable, Ordes, 2011
- Premio CinEOI da Coruña co documental A memoria da lingua das Candongas do Quirombo. 2012
- Premio Lingua de Ouro 2012 por Queremos Galego Marín. 2012
- Gañadora con María Rosendo do premio de Poesía Erótica Illas Sisargas en 2017, por Diáspora do amor balea[5].
- Terceiro premio na 36ª edición do certame literario da Asociación Cultural Galega Rosalía de Castro de Cornellà de Llobregat no 2022.
- Premio Follas Novas á obra de divulgación por O cento voando. Amores, alianzas e non monogamias con Ánxela Lema París en 2024.[6]
Notas
[editar | editar a fonte]- ↑ "Hemeroteca de Galicia Hoxe". Arquivado dende o orixinal o 25 de setembro de 2019. Consultado o 11 de abril de 2011.
- ↑ "Núñez Briones, Andrea (1984-)". Biblioteca nacional de España.
- ↑ Diario, Nós (2025-07-04). "Andrea Nunes: "A poesía é unha linguaxe moi eficaz para nomear as disidencias porque é quen de escapar dos marcos normativos"". Nós Diario. Consultado o 2025-07-06.
- ↑ "Andrea Nunes Brión percorre o «Mapa da estría»". La Voz de Galicia. 2025-06-29. Consultado o 2025-07-06.
- ↑ "Andrea Nunes e María Rosendo gañan o Illas Sisargas de poesía erótica". Sermos Galiza. 4 de novembro de 2011. Arquivado dende o orixinal o 12 de setembro de 2019. Consultado o 05 de novembro de 2017.
- ↑ "Gala dos Premios Follas Novas do Libro Galego 2024". Axenda cultural Asociación de Escritoras e Escritores en Lingua Galega. 7 de maio de 2024. Consultado o 15 de outubro de 2024.
Véxase tamén
[editar | editar a fonte]Ligazóns externas
[editar | editar a fonte]- Perfil en As escollas electivas
- "Andrea Núñez Briones: A poesía é accesible". www.galiciahoxe.com. Arquivado dende o orixinal o 29 de xuño de 2013. Consultado o 25 de abril de 2009.(en galego)
- Mostra de Todas as mulleres que fun
- Entrevista El País https://elpais.com/diario/2011/09/16/galicia/1316168304_850215.html
- Entrevista El Salto: Andrea Nunes Brións: “Se lle deramos máis importancia ás amigas que ás parellas, cambiaría todo” en https://www.elsaltodiario.com/cuerpo/andrea-nunes-brions-se-lle-deramos-mais-importancia-as-amigas-que-as-parellas-cambiaria-todo
- Video Andrea Nunes en Diverxentes https://www.youtube.com/watch?v=MWpuDHDjgmY
