Kohtla-Järve é a cuarta maior cidade (linn) de Estonia. Está situada ó nordeste do país, no Condado de Ida-Viru. A cidade fundouse en 1924 e tiña en 2004 46 346 habitantes dunha orixe moi diversa (máis de 40 grupos étnicos). A maioría da poboación fala o ruso, aínda que a partir de 1990 o estoniano pasou a ser a lingua máis empregada na vida cotiá. A cidade está moi industrializada e posúe unha considerábel actividade petroleira.
