Khadija al-Salami

Khadija al-Salami

Nome orixinal	(ar) خديجة السلامي
Biografía
Nacemento	1966 (58/59 anos) Saná, Iemen
Educación	Universidade George Washington
Actividade
Ocupación	directora de cinema, escritora, diplomática, produtora
Premios
(2015)  Premio do Festival Internacional de Cine de Dubai á mellor longametraxe, premiado polo traballo ‘anā Najūm bint al-ʿāšara wa-muṭlaqa (2011)  cabaleiro da orde das Artes e as Letras (2007)  Cabaleiro da Lexión de Honra
Descrito pola fonte	Encyclopedia of Arab Women Filmakers (en)

Khadija al-Salami (en árabe: خديجة السلامي), nada en Saná o 11 de novembro de 1966, é a primeira directora e produtora de cinema iemení. Al-Salami reside en París, Francia. Foi nomeada e tamén gañou premios en festivais de cine como o Festival Internacional de Cinema de Dubai e o Festival de Cinema Asiático de Vesoul. O seu filme semiautobiográfico de 2014, ‘anā Najūm bint al-ʿāšara wa-muṭlaqa foi escollido como candidato do Iemen para o Óscar ó mellor filme internacional na 89ª edición dos premios, mais finalmente non foi nomeado.

Traxectoria

A unha idade temperá, al-Salami foi enviada a vivir con familiares despois de que a súa nai se divorciase do seu pai por severos abusos domésticos. Aos 11 anos, foi obrigada pola súa avoa a un matrimonio infantil e foi violada polo seu marido. Unhas semanas despois, o seu marido devolveuna ao seu tío, quen inmediatamente renegou dela e a devolveu á súa nai solteira. Ela escapou da inmensa presión da familia e da sociedade ao atopar emprego na televisión local e ao mesmo tempo asistindo á escola polas mañás, que era a súa única saída para atopar felicidade. Con 16 anos, recibiu unha bolsa para rematar o bacharelato nos Estados Unidos. Posteriormente, matriculouse no Mount Vernon College for Women, en Washington, D.C. Despois dun período no Iemen e París, volveu a Washington para obter o seu mestrado en comunicacións na Universidade Americana. Para a súa tese, produciu o seu primeiro filme.

Filmografía

Ano	Obra
1991	Hadramaout: Crossroads of Civilizations
1994	Le pays suspendu
1995	Women of Islam
1997	Land of Sheba
2000	Yemen of a Thousand Faces
2005	A Stranger in Her Own City
2006	Amina
2013	Scream
2014	‘anā Najūm bint al-ʿāšara wa-muṭlaqa
2015	La rosée du matin, con Nada al-Ahdal
2016	Jedenastoletnia zona, con Nada al-Ahdal