KH-1
KH-1 (Keyhole-1) ou Discoverer, parte do programa Corona, foi unha serie de satélites de recoñecemento operados pola CIA.[1][2]
Historia[editar | editar a fonte]
Os KH-1 foron o primeiro intento por parte dos Estados Unidos de poñer en marcha unha serie de satélites de recoñecemento óptico. A carga útil de cada KH-1 consistía nunha cámara Corona panorámica e unha cápsula de retorno para enviar a terra a película fotográfica usada pola cámara. A cámara, construída por Fairchild Camera Co., tiña unha apertura de f/5.0 e unha lonxitude focal de 61 cm, cunha resolución de 12,9 m.[1][2]
Os satélites estaban baseados na etapa superior do foguete Agena A, que proporcionaba control de actitude unha vez en órbita. A cápsula de retorno da película tiña o seu propio retrofoguete de propelente sólido para regresar á Terra. A cápsula era recollida mentres estaba aínda no aire mediante un avión especialmente equipado.[1][2]
Lanzáronse dez KH-1 entre 1959 e 1960, todos mediante foguetes Thor Agena A. Catro fallaron durante o lanzamento e dos restantes, só un (KH-1 9) enviou con éxito a película a terra.[1][2]
Historial de lanzamentos[editar | editar a fonte]
| Misión[1][2] | Data de lanzamento[1][2] | Foguete lanzador[1][2] | Notas[1][2] |
|---|---|---|---|
| KH-1 1 | 25 de xuño de 1959 | Thor Agena A | Fallo |
| KH-1 2 | 13 de agosto de 1959 | Thor Agena A | Éxito |
| KH-1 3 | 19 de agosto de 1959 | Thor Agena A | Éxito |
| KH-1 4 | 7 de novembro de 1959 | Thor Agena A | Éxito |
| KH-1 5 | 20 de novembro de 1959 | Thor Agena A | Fallo parcial |
| KH-1 6 | 4 de febreiro de 1960 | Thor Agena A | Fallo |
| KH-1 7 | 19 de febreiro de 1960 | Thor Agena A | Fallo |
| KH-1 8 | 15 de abril de 1960 | Thor Agena A | Éxito |
| KH-1 9 | 18 de agosto de 1960 | Thor Agena A | Éxito |
| KH-1 10 | 13 de setembro de 1960 | Thor Agena A | Éxito |
Notas[editar | editar a fonte]
Véxase tamén[editar | editar a fonte]
 |
Wikimedia Commons ten máis contidos multimedia na categoría: KH-1 |